Daniel 7:13 - Sră Goh 2018

¹³ Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:13 Mawu Ofanana

Đơs Crih 110:2

Yàng Jehôwa sồr lik bơh di Siôn gai gơnoar at bồ mê dê. At bồ tĕ digùl ală cau sò tơm mê dê!

Đơs Crih 2:8

Dan tĕ mơ Añ, Añ rơp ai kòn in ală lơgar lơh gơs sre brê, Mơ ală tiah lồi plai ù lơh gơs phan mơna mê dê.

Đơs Crih 47:5

Yàng Tom Trồ guh hơđang bal mơ jơnau driau chò hòp, Yàng Jehôwa guh hơđang bal mơ jơnau ntas kơlwòk.

Jeremi 49:19

Gơ kung be klìu triă guh bơh ală brê me Jordan dê guh tus hơ ală ƀlàng ñhơt tơlir sùm. Nisơna Añ rơp lơh Edôm in ntoat dô, mơ Añ rơp bơtào cau mơ Añ neh sac rwah nàng at bồ gơ: Bơh ñcau be Añ taih? Ñcau khin pơrlòng mơ Añ taih? Gơs cau ê belàt lơi rgơi ntào di đap Añ sơl?

Ejekiel 1:26

Mơ đah hơđang dơwàng hơđang bồ bol gơ dê gơs gơlơh kung be dô nơm sơbàn mơ lŭ màng tơlir trồ; mơ hơđang sơbàn gơs gơlơh kung be dô nă kòn mơnus.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 7:12

Ai ală phan poan jơng gam wơl, neh kòl tă jơh gơnoar, mơya bơta kis bol gơ dê geh lòi kis jŏ tòm dô pah tơngai mơ dô tŭ tơngai tai.

Daniel 7:2

Daniel yal lah: “Tòm bơta gơtơnggŏ tòm trồ mang añ tơnggòr sền mơ gŏ gơs poan đah càl hơđang trồ khồm lơh lơnggac dàlềng dờng.

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Daniel 7:9

“Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.

Daniel 8:15

Tòm tŭ añ, la Daniel, sền bơta gơtơnggŏ hơ̆ mơ kơlôi sơnơng tồ git wă jơnau gơtha gơ dê, gen di đap añ gơs dô nă cau ntào gơs rùp să be dô nă cau klau.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 13:26

Tòm tŭ hơ̆ cau rơp gŏ Kòn Mơnus ai gơnap gơnoar dờng mơ bơta gơklŏ, ơm tòm mhwal mơ tus.

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Jang 3:13

Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus.

Jang 5:27

Mơ Kơnràñ neh jào Kòn in gơnoar cahrña, bơh Kòn la Kòn Mơnus.

Broă 7:56

gen đơs lah: “Ne añ gŏ ală tap trồ gơ pò mơ Kòn Mơnus ntào đah ma Yàng Tom Trồ.”

I Tesalônika 4:17

Gen bol he la cau kis mơ gam ơm wơl rơp geh guh bal mơ ală cau hơ̆ tòm mhwal nàng tìp mơ Yàng hơđang pah gòi. Behơ̆ bol he rơp ơm bal mơ Yàng sùm sùm.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Yal Tơlik 1:13

mơ digùl ală jơng ồs đèng hơ̆ gơs dô Bơtau gơlơh be Kòn Mơnus, soh ào jrùh tus di mpàng jơng, mơ kơt che màh gùt dar ntơh.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 14:14

Lồc behơ̆ añ sền gŏ, ne, gơs dô nơm mhwal bò, hơđang mhwal gơs dô Bơtau nggui gơlơh be kòn mơnus, bồ ndau dô nơm sơgơn bơtau mơ màh, tê at dô nơm mơ̆ sồt.