Daniel 7:10 - Sră Goh 2018

¹⁰ Di đap Kơnràñ gơs dô nơm hiòng ồs gơhòr lìu làm jơh, rbô rbô cau duh broă Kơnràñ, mơ tơlak tơmàn ntào di đap Kơnràñ. Tŭ jơ cahrña neh tus, mơ ală sră neh pò tơlik.

Daniel 7:10 Mawu Ofanana

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

II Yal Yau 18:18

Mice đơs tai lah: “Behơ̆ gen, iat tĕ jơnau Yàng Jehôwa dê: Añ neh gŏ Yàng Jehôwa ơm nggui hơđang sơbàn Kơnràñ dê, bal mơ jơh ală cau gơnrơh hơđang trồ ơm ntào đah ma mơ đah kiau Kơnràñ.

Sră Jop 25:3

Ñcau rgơi kòp khà mpồl ling Kơnràñ dê taih? Hơđang ñcau mơ bơta àng Kơnràñ dê ò pơnđàng sòl taih?

Đơs Crih 103:21

Ơ mpồl ling Yàng Jehôwa dê, La ală cau duh broă jat nùs kòñ Kơnràñ dê, jòng ro tĕ Yàng Jehôwa.

Đơs Crih 18:8

Ñhŭ par lik bơh di trồm muh Kơnràñ dê, Lơmpiat ồs sa loan lik bơh di bơr Kơnràñ dê, Mơ lơh chah in hơng.

Đơs Crih 50:3

Yàng Tom Trồ bol he dê tus mơ ò ơm mŏ mŏ; Di đap Kơnràñ gơs ồs chu pơrguc, Gùt dar Kơnràñ gơs càl rbut dờng.

Đơs Crih 68:17

Rơndeh ơseh Yàng Tom Trồ dê la bàr jơt rbô nơm, rbô rbô nơm; Yàng lòt bal mơ ală rơndeh hơ̆ bơh Sinai tus hơ tiah sàng goh.

Esai 30:27

Sền ne, Sơnđan Yàng Jehôwa tus bơh tiah ngài, tus bal mơ bơta gơjrañ dờng Kơnràñ dê be mhwal jù mơ ñhŭ par guh; sơndồi Kơnràñ dê bềng bơta gơjrañ dờng, lơmpiat Kơnràñ dê la ồs sa pơrguc.

Esai 30:33

Bơh Tôphet neh rcang bơh jŏ rau; gơ geh rcang sir cau bơtau in. Brong ồs gơ dê jrô mơ ơnàng, gơs ồs mơ lòng oă ngan; nhơm tă Yàng Jehôwa dê kung be dô nơm croh siau sa hơng gơ.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Daniel 7:26

Mơya bơta cahrña rơp tus, gơnap gơnoar khai dê rơp kòl tă tơlik mơ kong tơnroh tơnrui jơh hir.

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Yal Wơl 33:2

Khai neh đơs lah: “Yàng Jehôwa neh bơh di Sinai, mơ tus hơđang bol khai bơh di Seir; Kơnràñ gơcrà àng bơh mơnơm Pharan. Kơnràñ neh tus bal mơ rbô rhiang cau sàng goh; tòm tê ma Kơnràñ dê gơlik ồs bơta boh lam bol khai in.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,

Jude 1:14

Hơ̆ kung tài bơh bol khai mơ Enôk la cau neh poh rài bơh Adam, neh đơs hwơr lah: “Ne, Yàng tus bal mơ tơlak tơmàn cau sàng goh Kơnràñ dê,

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

Yal Tơlik 5:11

Lồc behơ̆ añ sền gŏ, mơ kơno jơnau oă ngan cau gơnrơh gùt dar sơbàn, ală phan wìn kis mơ ală cau kwang kra, ò git nđò tơlak tơmàn cau gơnrơh.