Daniel 7:1 - Sră Goh 2018

¹ Tòm nam dơ̆ sơnròp rài Belsassar, bơtau lơgar Babilôn dê, Daniel bic mang hơđang cơnòng gen gŏ bơta mpau mơ ală bơta gơtơnggŏ tòm dơngoh khai. Khai cih wơl bơta mpau mơ yal wơl ală bơta gơtơnggŏ hơ̆.

Daniel 7:1 Mawu Ofanana

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 46:2

Tòm bơta gơtơnggŏ tòm trồ mang, Yàng Tom Trồ đơs mơ Israel lah: “Ơ Jakôp! Jakôp!” Israel ho lah: “Do añ.”

Sră Jop 4:13

Digùl bơta kơlôi sơnơng bơh bơta gơtơnggŏ trồ mang dê, Tòm tŭ kòn mơnus ơm bic lơhă.

Esai 30:8

Tŭ do lòt tĕ, cih tĕ gơ di đap bol khai in hơđang dô nơm mpàn cih mơ cih tĕ tòm sră pồt, behơ̆ gơ rgơi lòi lơh cơng wơl ală rài tơnơ̆ gam sùm sùm in.

Esai 8:1

Yàng Jehôwa đơs mơ añ lah: “Ai tĕ dô nơm mpàn dờng, mơ cih hơđang hơ̆ mơ jơnau cih kòn mơnus dê lah: ‘Maher Salal Hasbas.’”

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 36:32

Gen Jeremi ai dô dap sră ndai tong cau gơnoar cih Baruk, kòn klau Neriya in; Baruk bơh bơr Jeremi mơ cih wơl kòp jơnau tòm dap sră lài mơ Jehôyakim bơtau Juda, neh chu tòm ồs. Gơs oă jơnau tòm toh bal neh bơtơl tòm hơ̆.

Jeremi 36:4

Gen Jeremi hòi Baruk, kòn klau Neriya tus, Baruk kơnòm di bơr Jeremi yal wơl, gen cih jơh ală jơnau đơs Yàng Jehôwa dê yal khai in tòm dap sră.

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 40:2

Tòm ală bơta gơtơnggŏ Yàng Tom Trồ dê, Kơnràñ cèng añ tus tòm lơgar Israel, mơ ơn añ hơđang dô nơm mơnơm jơnhoa ngan, bơh hơđang hơ̆ añ sền gŏ hơ đah đơm gơlơh be dô nơm ƀòn dờng gơs oă hìu.

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 2:1

Tòm nam dơ̆ bàr rài bơtau Nebukatnessar dê, bơtau gŏ bơta mpau gen bồ dơngoh khai dơrcul mơ ò lơhă bic.

Daniel 2:26

Cau bơtau đơs mơ Daniel mơ cau òs sơnđan la Beltesassar lah: “Ngan sơl la mê rgơi yal añ in git bơta mpau añ neh gŏ mơ jơnau gơtha gơ dê ơ?”

Daniel 4:13

Añ pơnjat sền ală bơta gơtơnggŏ tòm tŭ añ bic hơđang cơnòng, gen tềng hơ̆ gơs dô bơtau kơp gàr sàng goh, mù bơh đang trồ.

Daniel 4:5

Añ gŏ dô bơta mpau gơlơh añ in rngòt rngơt. Tòm tŭ añ bic hơđang cơnòng bic, ală bơta kơlôi sơnơng tòm bồ añ bal mơ ală bơta gơtơnggŏ hơ̆ gơlơh añ in dơrcul.

Daniel 5:1

Bơtau Belsassar yò sa dờng dô rbô nă cau kwang dờng khai in, mơ bơtau ñô tơrnòm bal mơ bol khai.

Daniel 5:22

Ơ bơtau Belsassar, kòn khai dê, bulah bơtau neh git jơh ală broă hơ̆, mơya nùs bơtau dê ò bài pơndêt să dô êt lơi;

Daniel 5:30

Tòm mang hơ̆, bơtau Babilôn la Belsassar kòl tơnchơt.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:15

“Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Daniel 8:1

Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Habakuk 2:2

Gen Yàng Jehôwa ho wơl lah: “Mê cih wơl tĕ bơta gơtơnggŏ, mơ cih loh làng gơ hơđang ală mpàn cih, tồ dô nă cau ntoat rgơi sền gơ.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

II Kôrintô 12:1

Añ pal jòng să bulah ò gơs kwơ, mơya tŭ do añ rơp đơs bơh ală bơta gơtơnggŏ mơ bơta yal tơlik Yàng dê.

Yal Tơlik 1:19

Tŭ do cih tĕ ală bơta mê gŏ, ală bơta gơs tŭ do mơ ală bơta rơp gơlik tus tơnơ̆.

Yal Tơlik 10:4

Dơ̆ poh nơm kơnàs ntơr rau gen añ kòñ cih, mơya añ kơno dô jơnau bơh đang trồ đơs lah: “Til tĕ ală jơnau poh nơm kơnàs neh đơs, mơ bañ cih.”