Daniel 6:8 - Sră Goh 2018

⁸ Behơ̆ tŭ do, Ơ bơtau, ai tĕ jơnau bơkơ̆u hơ̆ mơ kĭ mat bơtau tòm hơ̆ tồ gơ ò rgơi tòmgơl, jat be bơta boh lam kràñ cê cau Medi mơ cau Persia dê, bơta hơ̆ ò rgơi tơnroh.”

Daniel 6:8 Mawu Ofanana

Este 1:19

Behơ̆ tàng, dilah niam nùs bơtau gen dan bơtau tơlik dô gơnoar sồr bơh bơtau mơ cih gơtòm sră bơta boh lam lơgar cau Persia mơ Medi dê nàng ò rgơi tòmgơl hơ̆ lah Basthi rơp ò gơs tŭ lơi geh tus tai di đap bơtau Ahasuerus. Mơ kung dan bơtau tă gơnoar bau ùr bơtau khai dê mơ ai dô nă cau ndai in niam rlau mơ khai.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 8:10

Mordike cih ai sơnđan bơtau Ahasuerus dê mơ tap ƀang kì tòm ală sră hơ̆ mơ sơmbiat ƀang kì bơtau dê, lồc behơ̆ sồr ală cau ling, hào ală ơseh jak la ơseh ròng is cau bơtau in ngui.

Este 8:3

Gen Este rac dan tai mơ cau bơtau, khai tơmbic să di jơng bơtau mơ ñìm. Khai rac dan bơtau tơnroh bơta rơndap broă iơh bơsak mơ Haman cau Agak neh tòmdră mơ làng bol Israel.

Este 8:8

Tŭ do ai tĕ sơnđan bơtau mơ ala mat cau Juda, cih tĕ dô jơnau gơnoar sồr ndai mơ bol ai kơlôi la niam rlau jơh, lồc behơ̆ tap ƀang kì gơ mơ sơmbiat bơtau dê, bơh dô pang sră yal gơnoar sồr neh cih ai sơnđan bơtau mơ ƀang kì sơmbiat bơtau dê gen ò rgơi tơnroh ò.”

Đơs Crih 94:21

Bol khai gơs dô bă bal tòmsò di bơta kis cau song ring dê, Mơ lơh nền glài chơt di cau ò gơs glài.

Esai 10:1

Bòl glar cau lơi in bơtào gơs ală bơta boh lam ò song ring, mơ cih ală bơta lơh nền rồn bơklơn,

Daniel 5:28

Parsin la: cah is bàr pơnah, lơgar bơtau rơp gơkòl cah is mơ jào cau Medi mơ cau Persia in.”

Daniel 6:12

Gen bol khai lòt tus hơ bơtau mơ lùp bơh jơnau bơkơ̆u bơtau dê, mơ lah: “Ơ bơtau, bơtau ò di neh lơh tềl sơnđan mat tòm sră cih jơnau bơkơ̆u la tòm pe jơt ngai, dilah cau lơi hòi dan di yàng lơi ndai hala di cau lơi ndai rlau mơ bơtau, gen cau hơ̆ rơp pal kong sơrbì tòm wàng klìu triă ò ơ?” Bơtau ho lah: “Bơta hơ̆ la ngan, jat be bơta boh lam cau Medi mơ cau Persia dê gen ò rgơi tòmgơl.”

Daniel 6:15

Ală cau bơtào kai gơrmơ̆i sò tơm di Daniel tus wơl hơ bơtau mơ đơs lah: “Ơ bơtau, dan git lah jat bơta boh lam cau Medi mơ cau Persia dê, hơ̆ la ò gơs jơnau bơkơ̆u hala bơta lơh nền lơi mơ bơtau neh bơtào mơ rgơi tòmgơl.”

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”