Daniel 6:4 - Sră Goh 2018

⁴ Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Daniel 6:4 Mawu Ofanana

Sơnròp Gơlik Gơs 41:38

Pharaôn đơs mơ ală cau duh broă khai dê lah: “Bol he jòi gŏ dô nă cau be cau do, gơs hwềng Yàng Tom Trồ dê sơl ơ?”

Sơnròp Gơlik Gơs 43:18

Bol khai rngòt ngan tài bơh cau lam bol khai tòm hìu Jôsep, gen bol khai đơs bal lah: “Hơ̆ la bơh jền priă neh dap wơl tòm rơnđò bol he dê dơ̆ lài òr, gen tàng bol khai lam he hơ tiah do, nàng jòi bơta tồ pù lơh bol he, kup bol he lơh gơs dĭ, mơ kup ală alàng bol he dê.”

Jơnau Pơnđik 29:27

Cau rkwet rkwe lơh cù kìr cau song ring in; mơ cau lơh lòt song ngan lơh cù kìr cau iơh bơsak in.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 29:7

Jòi tĕ bơta lơngap lơngai ƀòn dờng mơ Añ neh lòi bol mê in kong bơtrơh, pal tài bơh bol khai hòi dan mơ Yàng Jehôwa; tài bơh bơta lơngap lơngai bol mê, kơnòm di bơta lơngap lơngai gơ dê.’”

Daniel 3:8

Tŭ hơ̆ gơs bàr pe nă cau Kalde lòt tus rềp nàng yă ală cau Juda.

Daniel 5:12

Daniel, mơ bèp bơtau di neh sơnđan la Beltesassar, la cau gơs bơta jak chài, git wă mơ àng loh, khai kung rgơi yal tơlik jơnau gơtha ală bơta mpau, yal loh ală bơta ndơp ndơr, mơ pơnring ală bơta kalke. Dan bơtau sồr hòi Daniel tus nàng khai yal tơlik ală jơnau gơtha do bơtau in.”

Daniel 6:22

Yàng Tom Trồ añ jê neh sồr cau gơnrơh Kơnràñ dê lềt bơr ală klìu triă, gen tàng bol gơ ò lơh iơh di añ dô êt lơi, tài bơh Kơnràñ neh gŏ añ ò gơs glài lơi di đap Kơnràñ. Ơ bơtau, gơwèt mơ bơtau kung behơ̆ sơl, añ ò lơh dô bơta tìs lơi ò.”

Mathiơ 26:4

Tòmbơyai jòi kai gơrmơ̆i lac lèo mơ tơnchơt Yàng Jesu.

Mathiơ 27:18

Bơh Pilat git loh bol hơ̆ bơtào Kơnràñ bơh nùs ƀoah gơjrañ.

Luka 20:20

Bol khai kơp sền Kơnràñ, loă sồr cau sền òm lơh blac be cau song, tồ kup Kơnràñ tòm jơnau đơs, nàng bơtào Kơnràñ tòm tê kwang bàng mơ cau kwang đơng lơgar.

Luka 20:26

Di đap làng bol, bol khai ò rgơi kup Kơnràñ tòm dô jơnau đơs lơi. Bol khai ai lơh krơi bơh jơnau ho Kơnràñ dê, gen ơm mŏ mŏ be cau kloat.

Luka 22:2

Ală cau gơnoar lam bồ ơn phan duh khoai bal mơ ală cau bơto bơta boh lam jòi bơta nàng tơnchơt Yàng Jesu, bơh bol khai rngòt di làng bol.

Jang 19:4

Pilat lik wơl dô dơ̆ tai, mơ đơs mơ làng bol: “Do añ lam khai lik hơ bol mê, nàng bol mê in git lah añ ò bàn glài lơi tòm khai.”

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

Philip 2:15

tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

Sră Pơyoa Pol Dê Pơyoa Tit In 2:8

Jơnau đơs di gùng mơ ò gơs tiah geh lah pơrhơng, tồ cau sò tơm in ƀàssìl, ò geh jơnau lơi đơs iơh di bol he.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.

Ală Kwang Cahrña 14:4

Mè bèp khai ò git bơta hơ̆ tus bơh Yàng Jehôwa, Kơnràñ jòi kai nàng tòmlơh mơ làng bol Philistin, bơh tŭ hơ̆ làng bol Philistin at bồ hơđang Israel.

I Samuel 12:4

Bol khai ho lah: “Ồng neh ò pơrlồm hala rồn bơklơn bol hi. Ồng neh ò tă ai dô nơm phan lơi bơh di tê dô nă cau lơi.”

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 22:14

Gen Ahimelek ho cau bơtau lah: “Digùl ală cau duh broă bơtau dê, ñcau la cau dòn song kung be Dabit cau bơrtơu, cau kwang at bồ mpồl ling sền gàr bơtau, mơ geh ki ngàm tòm hìu nhă bơtau dê taih?