Daniel 6:26 - Sră Goh 2018

²⁶ Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 6:26 Mawu Ofanana

Ejra 1:3

Dan Yàng Tom Trồ ơm bal mơ bol mê la làng bol Kơnràñ dê. Rê wơl tĕ hơ Jerusalem tòm Juda nàng bơt bơtào wơl hìu duh khoai Jehôwa Yàng Tom Trồ Israel dê, la Yàng Tom Trồ ơm tòm Jerusalem.

Ejra 7:21

Añ la bơtau Artaserses, ai jơnau gơnoar sồr jơh ală cau at bồ đam jàr tòm kơnhwàl Đah Ne Hiòng: Bulah bơta lơi cau gơnoar ơn phan duh khoai Ejra, cau git jak bơta boh lam Yàng Tom Trồ hơđang trồ kòñ dan mơ bol mê, lơh tĕ ală bơta hơ̆ jơh nùs ngac ngar,

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 146:10

Yàng Jehôwa rơp at bồ sùm sùm; Ơ Siôn, Yàng Tom Trồ mê dê la Bơtau jơl jơh ală rài. Jòng ro Yàng Jehôwa!

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Đơs Crih 29:10

Yàng Jehôwa ơm di sơbàn hơđang dà kŏ; Ngan Yàng Jehôwa ơm di sơbàn bơtau jơl sùm sùm.

Đơs Crih 42:2

Hwềng soàn añ tơhìr Yàng Tom Trồ, la Yàng Tom Trồ gam kis sùm. Tŭ lơi añ rơp lòt tus mơ tìp mat Yàng Tom Trồ taih?

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Malaci 3:6

“Bơh Añ la Yàng Jehôwa ò tŭ lơi tòmgơl; behơ̆, ơ bol mê la kòn sau Jakôp dê, bol mê ò gơkòl roh rui.

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Luka 1:33

Kơnràñ rơp at bồ hìu nhă Jakôp dê jơl sùm sùm, lơgar Kơnràñ ò gơs lồi.”

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

Broă 17:25

Kơnràñ kung ò càng ngui tê cau nàng duh broă, gơlơh be Kơnràñ pal càng di bơta lơi, tài bơh să tòm Kơnràñ la Bơtau ai bơta kis, nhơm tă mơ jơh ală bơta ndai tơl nă cau in.

Rôma 9:26

“Mơ tai, tòm tiah neh đơs mơ bol khai lah: ‘Ală bol mê ò di la làng bol Añ jê,’ Kung tềng hơ̆ mơ bol khai rơp geh sơnđan la ‘kòn Yàng Tom Trồ gam kis sùm dê.’”

Yal Wơl 5:26

Bơh tŭ lơi gơs kòn mơnus lơi neh kơno sap đơs Yàng Tom Trồ kis gam sùm sùm đơs bơh tòm ồs kung be bol hi neh kơno mơ gam kis taih?

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

Hebrơ 12:29

bơh Yàng Tom Trồ bol he dê la be ồs chu pơrguc.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 4:10

gen bàr jơt poan nă cau kwang kra tơmbic să di đap Bơtau nggui hơđang sơbàn, mơ duh khoai Kơnràñ la Bơtau kis gam sùm sùm ò lồi. Bol khai sơrbì ală sơgơn bơtau bol khai dê di đap sơbàn mơ đơs lah:

Yal Tơlik 5:14

Mơ poan nơm phan wìn kis ho wơl lah: “Amen.” Mơ ală cau Kwang kra tơmbic să mơ duh khoai.

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.