Daniel 6:24 - Sră Goh 2018

²⁴ Jat jơnau sồr bơtau dê gen cau cèng tus ală cau neh yă Daniel, mơ sơrbì bol khai bal mơ bau kòn bol khai dê tòm wàng klìu triă. Tòm tŭ bol khai òhềt dùh tus di kơnàng wàng dê, gen ală klìu triă neh brồ kap mơ crè ntìng jơh tơl nă.

Daniel 6:24 Mawu Ofanana

II Ală Bơtau 14:6

Mơya khai ò lơh glài tơnchơt ală kòn sau cau tơnchơt cau hơ̆, tòm toh be jơnau neh cih tòm sră bơta boh lam Môise dê; tòm hơ̆ Yàng Jehôwa neh đơs lah: “Cau rơp ò tơnchơt bèp ala kòn, kung rơp ò tơnchơt kòn ala bèp; kòp nă rơp chơt bơh tồi glài is he dê.”

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

Este 9:10

hơ̆ la jơt nă kòn klau Haman, kòn klau Hammedatha dê, la cau sò tơm di cau Juda. Mơya bol khai ò tòmpìt ai phan mơna.

Este 9:25

Mơya tòm tŭ kai gơrmơ̆i hơ̆ neh geh yal tơnggit cau bơtau in gen cau bơtau cih ală sră jơnau gơnoar sồr lah ală kai gơrmơ̆i iơh bơsak mơ Haman neh bơtào gơs sòdră di cau Juda gen pal tuh wơl hơđang bồ khai, mơ khai bal mơ ală kòn klau khai dê pal kong yồng hơđang jrong yồng cau.

Đơs Crih 54:5

Kơnràñ rơp sal wơl bơta iơh bơsak di ală cau sò tơm di añ; Dan tơnroh bol khai jat be bơta song ngan Kơnràñ dê.

Jơnau Pơnđik 11:8

Cau song ring geh dong klàs bơh bơta gơlòng bòl glar, Mơ cau rhung rhang gơdùh tềng hơ̆ ala khai in.

Jơnau Pơnđik 19:9

Bơta lơh cơng blac rơp ò klàs bơta lơh glài; mơ cau lac lèo rơp kong roh rui.

Esai 38:13

Añ ñìm rac bơta dong kòl jơl tus àng drim; be dô nơm klìu triă neh dơrpă jơh ală ntìng añ; bơh ngai tus di mang, Yàng cèng añ tus di tiah lồi dut.

Jeremi 34:17

Behơ̆ gen, Yàng Jehôwa đơs be do: ‘Bol mê neh ò iat Añ, kòp nă yal oh mi he in, cau gơp ƀòn he geh khat gơboh.’ Yàng Jehôwa đơs: ‘Do, Añ yal bơta khat gơboh bol mê in, hơ̆ la lòi bol mê in khat gơboh tòm pềs tà, pluh plàng, jơgloh rung, lòi bol mê kong rngòt rngơt digùl ală lơgar tòm dunnia.

Daniel 3:22

Tài bơh jơnau sồr cau bơtau dê la jal ngan, mơ bơnhă ồs gen duh hơng ngan ò git lơh, gen tàng lơmpiat ồs sa chơt jơh ală cau sơrbì Sadrak, Mesak mơ Abetnegô.

Yal Wơl 24:16

Ală bèp ò di kong lơh glài tơnchơt tài bơh kòn sau bol khai dê, kòn sau kung ò di gơkòl lơh glài tơnchơt tài bơh ală bèp bol khai dê; kòp nă pal kong chơt tài bơh tồi glài să tòm khai dê.