Daniel 6:16 - Sră Goh 2018

¹⁶ Gen bơtau sồr cèng Daniel tus, mơ sơrbì khai tòm wàng klìu triă. Bơtau đơs mơ Daniel lah: “Dan Yàng Tom Trồ mê dê, la bơtau mê jơh nùs dòn song duh broă, rơp dong tă mê.”

Daniel 6:16 Mawu Ofanana

II Samuel 3:39

Mơ tòm ngai do añ ò tơl pràn, bulah añ neh geh bong mơñà nàng lơh gơs bơtau, mơ ală cau do la kòn klau Jeruyah bol khai jàñ bơsak ir añ in. Dan Yàng Jehôwa tơm wơl cau lơh bơta iơh in jat ală broă iơh khai dê!”

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Jeremi 26:14

Đah pơnah mơ añ, do, añ ơm tòm tê oh mi dê, lơh tĕ añ in bơta lơi oh mi sền la niam la di.

Jeremi 38:5

Bơtau Jedekia ho lah: “Do, khai ơm tềng do, khai ơm tòm tê bol mê, bơh bơtau ò geh tòmdră mơ bol mê.”

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Jeremi 39:17

Yàng Jehôwa đơs: ‘Mơya tòm ngai hơ̆, Añ rơp dong tă mê, gen mê rơp ò kong jào tòm tê ală cau mê rngòt.

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Daniel 6:7

Jơh ală cau kwang đơng lơgar, ală cau kwang at bồ kơnhwàl lơgar, ală cau kwang bơyai broă bal mơ ală cau kwang ndai gơs dô nùs bal dan bơtau tơlik jơnau sồr bơkơ̆u kràñ cê tòm pe jơt ngai, dilah cau lơi hòi dan di yàng lơi ndai, hala di cau lơi ndai rlau mơ cau bơtau, gen cau hơ̆ rơp pal kong sơrbì tòm wàng klìu triă.

Broă 24:27

Bàr nam tơnơ̆, Porsius Phestus pơrdòn ala Phelik lơh kwang đơng lơgar. Tài bơh Phelik kòñ lơh niam nùs làng bol Juda gen tàng kư̆ jàm Pol.

Broă 25:11

Dilah ngan añ lơh tìs hala gơs glài lơi pal chơt, gen añ ò dan klàs chơt; mơya dilah bol khai ò gơs cơng tàng lơi nàng kơt glài añ, gen ò gơs cau lơi rgơi bơtào añ bol khai in ò. Añ dan tò să di đap Sesa.”

Broă 25:9

Mơya Phestus kòñ lơh niam nùs cau Juda, gen lùp Pol lah: “Mê kòñ guh hơ Jerusalem nàng kong cahrña di đap jơh ală jơnau cau yă do sơl?”

Rôma 13:3

Bơh ală kwang bàng ò di lòi cau lơh broă niam in rngòt ò, mơya la lòi cau iơh bơsak in rngòt. Mê kòñ ò rngòt di ală cau gơs gơnoar sơl? Lơh tĕ ală broă niam, mơ mê rơp geh jòng ro;

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.