Daniel 5:7 - Sră Goh 2018

⁷ Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

Daniel 5:7 Mawu Ofanana

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Este 3:1

Tơnơ̆ mơ ală broă hơ̆, bơtau Ahasuerus bơtào tơngguh gơnoar broă Haman in, kòn klau Hammedatha cau Agak, bơtào khai mơ ơn khai in nggui tiah hơđang rlau jơh mơ ală cau kwang at bồ bal mơ khai.

Lik Ejiptơ 7:11

Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê.

Jơnau Pơnđik 1:9

Bơh ală jơnau hơ̆ kung be dô nơm dơwàng bơkào hơđang bồ kòn, Gơlơh be ală rơnjài màh wan di ngko kòn dê.

Đơs Chò 1:10

Bàr đah tơrmồ ai niam mơnĕ bal mơ phan bơka să; ngko ai bal mơ ñòng lŭ kràng màng.

Esai 47:13

Ai neh glar să bơh ală jơnau jòi lùp! Lòi ală cau sền trồ, sền sơmañ, kơnhai pa hơđang trồ mơ yal lài ală bơta rơp gơlik tus, ñă ntào dong tă ai klàs bơh di ală bơta rơp gơlik tus hơđang ai.

Jeremi 50:35

Yàng Jehôwa đơs: “Đào tòmdră mơ cau Kalde, mơ tòmdră mơ làng bol Babilôn, mơ tòmdră mơ ală kwang at bồ mơ ală cau jak chài gơ dê.

Ejekiel 16:11

Añ bơka să ai mơ ală phan bơka să. Añ tơndò kòng di tê ai mơ tơnwan che rơnjài di ngko ai.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 2:27

Daniel ho lah: “Ơ bơtau, bơta ndơp ndơr mơ bơtau neh sồr yal tơlik gen ală cau jak chài, cau gru bơjơu, cau sền sơmañ mơ ală cau yal bơta ndơp ndơr ò rgơi yal tơlik bơtau in,

Daniel 2:48

Gen cau bơtau yò tơngguh Daniel ryŭ ryơm mơ ai khai in oă phan kas màng. Bơtau pồ bơtào khai at bồ jơh kơnhwàl Babilôn, mơ gơs kwang at bồ wil tơl hơđang jơh ală cau jak chài Babilôn dê.

Daniel 2:6

Mơya dilah cau lơi yal bơta mpau hơ̆ mơ yal tơlik jơnau gơtha gơ dê añ in, gen bol mê rơp dòp geh oă phan pà mơ phan ƀàn, mơ geh màng ryŭ ngan.’ Behơ̆, yal tĕ añ in bơta mpau hơ̆ mơ jơnau gơtha gơ dê.”

Daniel 4:14

Bơtau hơ̆ ai jơnau dờng mơ đơs lah: ‘Kơl tĕ chi do mơ koh tĕ ntê gơ, lơh jrùh tĕ ală nha gơ mơ rsìh tĕ plai gơ làm jơh, ală phan poan jơng ơm tòm tiah mƀur gơ, dô pleh tĕ, mơ ală sềm par dô bơh di ală ntê gơ dê!

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 5:15

Añ neh hòi pơjum tềng do ală cau jak chài mơ ală cau gru bơjơu nàng sền ală jơnau do mơ yal tơlik jơnau gơtha gơ dê añ in, mơya bol khai ò rgơi yal tơlik jơnau gơtha gơ dê.

Daniel 5:16

Añ kơno đơs la mê rgơi yal tơlik ală bơta ndơp ndơr mơ lơh pơnring jơh ală bơta kalke. Daniel mê rgơi sền ală jơnau do mơ yal tơlik jơnau gơtha gơ dê añ in, gen mê rơp geh soh ào dà gur cau bơtau dê, rơp geh wan che rơnjài màh di ngko, mơ rơp gơs kwang dơ̆ pe tòm gơnoar broă at bồ lơgar dê.”

Daniel 5:29

Jat jơnau gơnoar sồr bơtau Belsassar dê, cau tơnsoh ào dà gur cau bơtau dê Daniel in, tơnwan di ngko khai dô nơm che rơnjài màh, mơ yal pơnro lah khai geh pồ bơtào gơs kwang dơ̆ pe tòm gơnoar broă at bồ lơgar dê.

Khà Làng Bol 22:17

tài bơh añ rơp ai phan ƀàn ồng in di pal ngan mơ lơh jat jơh ală jơnau ồng đơs. Dan tus mơ srat sơntơm làng bol do añ in.’”

Khà Làng Bol 22:7

Ală cau kwang kra Môap dê lik lòt, cèng bal jền tơngai ai cau bơjơu in. Tòm tŭ bol khai neh tus hơ Balaam, bol khai yal khai in ală jơnau Balak neh đơs.

Khà Làng Bol 24:11

Tŭ do, lik lòt tĕ mơ rê hìu! Añ neh đơs lah añ rơp ai phan ƀàn dờng mê in, mơya Yàng Jehôwa neh kơryan mê dòp geh phan ƀàn.”

I Samuel 17:25

Ală cau Israel neh đơs lah: “Bol mê gŏ mbe cau hơ̆ kư̆ tơlik mat behơ̆ sơl? Khai tơlik mat nàng đơs jơnau pơrlòng mơ Israel. Cau bơtau rơp ai oă phan mơna cau lơi in tơnchơt cau hơ̆, mơ kung rơp ai kòn ùr khai dê cau hơ̆ in bau, mơ hìu nhă bèp cau hơ̆ dê rơp geh klàs boh dia tòm Israel.”