Daniel 5:4 - Sră Goh 2018

⁴ Behơ̆, bol khai ñô tơrnòm mơ jòng ro ală yàng mơ màh, mơ priă, mơ kòng, mơ lòs, mơ chi, mơ lŭ.

Daniel 5:4 Mawu Ofanana

I Ală Bơtau 1:49

Gen jơh ală cau nac Adônija dê rngòt mơ ñă ntào kòp nă lòt gùng is he dê.

Esai 42:17

Bol khai rơp kòl ruc wơl mơ kong ƀàssìl, hơ̆ la ală cau dòn kơnòm di ală rùp ràk, ală cau đơs mơ ală rùp pac sềr lah: “Ală kơnràñ la yàng bol hi dê.”

Esai 42:8

Añ la Yàng Jehôwa; hơ̆ la sơnđan Añ! Añ ò lòi bơta gơklŏ Añ jê cau ndai in, kung ò ai bơta jòng ro Añ jê ală rùp ràk in.

Daniel 1:8

Mơya Daniel neh lơh nền tòm nùs ò bài lòi ală phan sa phan ñô bơkah cau bơtau dê lơh khai in gơlik ƀơ̆ ƀơl, gen khai dan mơ cau kwang at bồ tòm gơlang bơtau ai gơnoar khai in ò lơh să tòm khai gơlik ƀơ̆ ƀơl.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 5:3

Gen cau cèng tus ală phan ngui mơ màh mơ priă neh ai bơh hìu duh khoai Yàng Tom Trồ dê tòm Jerusalem, mơ cau bơtau bal mơ ală cau kwang dờng, ală bau ùr mơ ală bau cồng bơtau dê ngui nàng ñô tơrnòm.

Daniel 5:5

Tòm jơ hơ̆, nisơna gơs ală ràs tê mpàng tê kòn mơnus dê gơtơlik, cih di dơrñang mơ cùr gơlang bơtau dê, tòm toh di đap tiah ơn jơng ồs, mơ cau bơtau sền gŏ mpàng tê hơ̆ cih.

Amôs 6:7

Gen tàng bol mê rơp la ală cau sơnròp kong kup cèng gơs dĭ, mơ bơta pơjum kơnhơl chò hòp bơh bơta lòt yơng rơp jơh.

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.

Broă 17:29

Bơh tòm tŭ he la ală kòn Yàng Tom Trồ dê, gen bol he bañ tồnlah Yàng Tom Trồ be rùp ràk màh priă, hala lŭ, bơh broă chài lơh mơ jat bơta kơlôi sơnơng kòn mơnus dê mơ lơh gơs.