Daniel 5:23 - Sră Goh 2018

²³ Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 5:23 Mawu Ofanana

Sơnròp Gơlik Gơs 14:19

Khai ai lơngai Abram in mơ đơs lah: “Dan Yàng Tom Trồ Hơđang Rlau Jơh, la Bơtau crơng gơs trồ mơ tiah, ai lơngai Abram in!

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

II Ală Bơtau 14:10

Mê neh lơh cau Edôm mơ nùs mê bềng bơta pơnhừ să. Dòp tĕ bơta gơklŏ, mơ ơm wơl tòm hìu mê dê; ñchi bơh tài mê kòñ sih he in bơta rung rài, lơh mê in mơ Juda in gơkòl bơta roh gơcoh taih?”

Sră Jop 12:10

Tòm tê Kơnràñ dê la bơta kis kòp phan kis dê, Mơ nhơm tă jơh jơi kòn mơnus dê.

Sră Jop 31:4

Kơnràñ ò gŏ ală gùng dà añ jê, mơ khà ală cơnđòa añ jê ò ơ?

Đơs Crih 104:29

Tòm tŭ Yàng pồn mat gen bol gơdơrcul. Tòm tŭ Yàng tă tơlik nhơm bol gơ dê, gen bol gơ chơt, mơ rê wơl hơ kơmbuh ù.

Đơs Crih 115:16

Ală tap trồ gơrê mơ Yàng Jehôwa, Mơya plai ù gen Kơnràñ neh ai kòn sau jơi kòn mơnus in.

Đơs Crih 139:3

Yàng sền sơwì gùng lòt mơ bơta bic rlô añ jê, Mơ mòng git jơh ală gùng dà añ jê.

Đơs Crih 146:4

Tòm tŭ nhơm tă ò gam, gen khai rê wơl hơ kơmbuh ù; tòm ală ngai hơ̆ bơta kơlôi rcang bol khai dê roh thit.

Jơnau Pơnđik 20:24

Ală cơnđòa kòn mơnus dê bơh Yàng Jehôwa lơh nền; behơ̆, mbe kòn mơnus rgơi wă wơng gùng dà he dê taih?

Esai 13:11

Añ rơp lơh glài dunnia bơh bơta iơh bơsak gơ dê, lơh glài cau jàñ bơsak bơh bơta tồi glài iơh bơsak bol khai dê, Añ rơp pơndut bơta jòng să cau pơnhừ să dê, mơ rơp tơmù bơta pơnhừ să cau iơh rmơh dê.

Esai 14:13

Mê neh đơs tòm nùs mê lah: “Añ rơp guh hơđang trồ; añ rơp yò sơbàn añ jê jòng hơđang ală sơmañ Yàng Tom Trồ dê; añ rơp nggui di sơbàn hơđang mơnơm la tiah jơnum, hơđang tiah jơnhoa rlau Japhôn dê.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 33:10

Yàng Jehôwa đơs: “Tŭ do Añ rơp guh, tŭ do Añ rơp geh yò tơngguh să tòm Añ hơđang.

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Jeremi 10:23

Ơ Yàng Jehôwa, añ git gùng dà jơi kòn mơnus dê ò di bơh bol khai lơh tòm, Bol khai ò rgơi lơh nền ală cơnđòa jơng bol khai dê.

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Ejekiel 28:17

Nùs mê neh gơlik pơnhừ să tài bơh bơta hàng mơnĕ mê dê, mơ mê neh lơh ồm lề bơta jak chài mê dê tài bơh bơta gơklŏ ryŭ ryơm mê dê. Behơ̆ Añ neh tơlo mê dùh tòm ù; Añ ràng tơlik mê di đap ală cau bơtau, lơh bol khai in sền be bơta kơnhơl.

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Ejekiel 28:5

Bơh bơta jak chài dờng ngan mê dê tòm bơta kă bro, gen mê neh gơbơtơl oă bơta pas gơs mê dê, mơ nùs mê gơlik pơnhừ să bơh bơta pas sơm mê dê.’

Ejekiel 31:10

Gen tàng Jehôwa Yàng Tom Trồ đơs be do: ‘Tài bơh gơ dờng jơnhoa, să gơ jơnhoa hơđang ală mhwal, mơ nùs gơ bơh gơ jòng să bơh bơta jơnhoa gơ dê,

Daniel 11:12

Tòm tŭ neh lơh gơprah mpồl ling đah đang rau gen bơtau đah đơm gơlik pơnhừ să. Khai rơp tơnchơt tơlak tơmàn cau mơya khai ò geh pha jŏ jòng.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 8:11

Gơ pơnhừ să tian gơs kòñ tòmdră mơ Bơtau at bồ hơđang trồ; gơtă tơlik ală phan ơn duh khoai kòp ngai bơh di Kơnràñ, mơ lơh tơrlah tiah sàng goh Kơnràñ dê.

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Broă 17:25

Kơnràñ kung ò càng ngui tê cau nàng duh broă, gơlơh be Kơnràñ pal càng di bơta lơi, tài bơh să tòm Kơnràñ la Bơtau ai bơta kis, nhơm tă mơ jơh ală bơta ndai tơl nă cau in.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

I Timôthe 3:6

Cau pa dòn jat ò di lơh gơs cau gơnoar bơto, rngòt khai jòng is să he mơ dùh tòm bơta lơh glài jàm lòi cà ràk in mòn.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 9:20

Ai ală cau gam wơl, la cau òhềt chơt bơh ală bơta rung rài hơ̆, bol khai ò gơjrañ sang glài bơh ală broă tê bol khai lơh, mơ kung ò sang lòi bơta duh khoai ală cà mơ ală rùp ràk mơ màh, priă, kòng, lŭ mơ chi, la ală phan ò rgơi gŏ, ò rgơi kơno, mơ ò rgơi lòt.

Ală Kwang Cahrña 16:23

Tŭ do ală cau kwang at bồ Philistin pơjum bal nàng ơn dô nơm phan ơn duh khoai dờng yàng Dagôn bol khai in, nàng lơh chò hòp bal, bơh bol khai đơs lah: “Yàng bol he dê neh jào Samsôn cau sò tơm bol he dê tòm tê bol he.”

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.