Daniel 5:21 - Sră Goh 2018

²¹ Khai kòl bơtrơh bơh digùl kòn mơnus, nùs khai gơlik gơs be nùs phan poan jơng, mơ khai ơm bal mơ ală alàng brê. Cau ai khai in sa ñhơt kung be kơnrồ, mơ să jan khai kong sùh mơ dà tŭ bơh đang trồ jơl tus di tŭ khai đal git lah Yàng Tom Trồ Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 5:21 Mawu Ofanana

Sră Jop 39:5

Mê neh kòp khà ală kơnhai gơ bun sơl? Mê git tŭ lơi gơ deh sơl?

Ejekiel 17:24

Jơh ală chi tòm ƀlàng rơp git hơ̆ la Añ, Yàng Jehôwa, neh tơmù chi jơnhoa hơđơm mơ yò tơngguh chi liah hơđang. Añ lơh ro chi tơlir mơ lơh chi ro gơlik tơlir niam wơl. Añ la Yàng Jehôwa, neh đơs mơ Añ rơp lơh bơta hơ̆.”

Daniel 4:14

Bơtau hơ̆ ai jơnau dờng mơ đơs lah: ‘Kơl tĕ chi do mơ koh tĕ ntê gơ, lơh jrùh tĕ ală nha gơ mơ rsìh tĕ plai gơ làm jơh, ală phan poan jơng ơm tòm tiah mƀur gơ, dô pleh tĕ, mơ ală sềm par dô bơh di ală ntê gơ dê!

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.