Daniel 5:2 - Sră Goh 2018

² Tòm tŭ cau bơtau ñô tơrnòm duh hơng tòm nùs gen khai sồr cèng ală phan ngui mơ màh mơ priă mơ bơtau Nebukatnessar bèp khai dê neh ai bơh hìu duh khoai Yàng Tom Trồ dê tòm Jerusalem, tồ khai bal mơ ală cau kwang dờng, ală bau ùr mơ ală bau cồng khai dê ngui nàng ñô tơrnòm.

Daniel 5:2 Mawu Ofanana

II Samuel 9:7

Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

II Ală Bơtau 24:13

Nebukatnessar tùng cèng jơh ală phan kas màng tòm hìu duh khoai Yàng Jehôwa mơ ală phan kas màng tòm gơlang bơtau dê, khai pòng bơcah jơh ală phan ngui mơ màh tòm hìu Yàng Jehôwa dê mơ Salômôn, bơtau Israel neh lơh, jơh ală bơta do neh gơlik tòm toh be jơnau Yàng Jehôwa neh yal.

II Ală Bơtau 25:15

Cau kwang sền gàr bơtau hơ̆ kung cèng jơh ală phan ơn kơlhô, thao, mơ ală phan mơ màh, priă.

II Yal Yau 11:20

Gen Rôbôam bau mơ Maaka kòn ùr Apsalôm, khai deh Rôbôam in Abija, Attai, Jija mơ Selômit.

II Yal Yau 15:16

Bơtau Asa kung tă gơnoar mè bơtau dê bơh Maaka la mò khai dê, tài bơh mò hơ̆ neh bơtào jrong duh khoai yàng Asera; Asa koh rùp ràk mò dê, pòng bơcah lề lac mơ chu gơtòm Thòng Kidrôn.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

II Yal Yau 36:18

Jơh ală phan ngui tòm hìu duh khoai Yàng Tom Trồ dê, dờng mơ dềt, mơ ală phan màng tòm hìu duh khoai Yàng Jehôwa dê mơ ală phan màng cau bơtau dê mơ ală cau kwang duh broă khai dê, cèng jơh ală phan hơ̆ hơ Babilôn.

Ejra 5:14

Rlau mơ hơ̆ tai, màh mơ priă mơ ală phan ngui tòm hìu Yàng Tom Trồ dê, mơ bơtau Nebukatnessar neh tă bơh di hìu duh khoai tòm Jerusalem mơ cèng tus hơ tơmut tòm hìu bơmồng tòm Babilôn; ală phan ngui hơ̆ bơtau lơh mơ màh mơ priă la ală phan ngui gơrê bal mơ hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ cèng brê hơ hìu duh khoai tòm Babilôn. Gen bơtau Sirus neh jào ală phan hơ̆ dô nă cau in sơnđan la Sesbajar la cau mơ bơtau neh bơtào gơs kwang at bồ,

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 50:35

Yàng Jehôwa đơs: “Đào tòmdră mơ cau Kalde, mơ tòmdră mơ làng bol Babilôn, mơ tòmdră mơ ală kwang at bồ mơ ală cau jak chài gơ dê.

Jeremi 52:19

Cau kwang at bồ ling gàr bơtau kung cèng brê jơh ală mơngàn, phan ơn kơlhô, thau ƀàk, glah, jơng ồs đèng, cơnhŏ, mơ jơrlŭ, jơh phan lơi lơh mơ màh, jơh phan lơi lơh mơ priă.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 5:13

Gen Daniel geh cèng tus di đap bơtau. Bơtau lùp lah: “Ngan mê la Daniel, dô nă tòm ală kòn sau cau Juda neh kòl kup gơs dĭ, mơ bơtau bèp añ neh cèng brê bơh lơgar Juda sơl?

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Daniel 5:3

Gen cau cèng tus ală phan ngui mơ màh mơ priă neh ai bơh hìu duh khoai Yàng Tom Trồ dê tòm Jerusalem, mơ cau bơtau bal mơ ală cau kwang dờng, ală bau ùr mơ ală bau cồng bơtau dê ngui nàng ñô tơrnòm.

Daniel 5:30

Tòm mang hơ̆, bơtau Babilôn la Belsassar kòl tơnchơt.

Daniel 5:4

Behơ̆, bol khai ñô tơrnòm mơ jòng ro ală yàng mơ màh, mơ priă, mơ kòng, mơ lòs, mơ chi, mơ lŭ.

Khà Làng Bol 7:79

Phan ơn duh khoai khai dê la dô nơm prềng priă kơnjơ̆ dô rhiang pe jơt sieklơ, mơ dô nơm jơrlŭ priă ơn dà rsìh kơnjơ̆ poh jơt sieklơ, jơh bàr nơm kơr jat sieklơ tiah sàng goh dê, kòp nơm ơn bềng kơmbuh phe rhền bơcă bal mơ mơñà lơh gơs dô nơm phan ơn duh khoai mơ kòi mbo;