Daniel 5:13 - Sră Goh 2018

¹³ Gen Daniel geh cèng tus di đap bơtau. Bơtau lùp lah: “Ngan mê la Daniel, dô nă tòm ală kòn sau cau Juda neh kòl kup gơs dĭ, mơ bơtau bèp añ neh cèng brê bơh lơgar Juda sơl?

Daniel 5:13 Mawu Ofanana

Ejra 10:16

Behơ̆ ală cau neh kong kup cèng lơh jat bơta lơh nền hơ̆. Ejra cau gơnoar ơn phan duh khoai sac rwah ală cau klau at bồ ală hìu nhă, kòp hìu nhă dô nă, mơ jơh tơl nă bol khai geh pồ bơtào jat sơnđan bol khai dê. Tòm ngai dùl kơnhai jơt, bol khai rơp sơntòm lùp sơwì bơh ală bơta neh gơlik gơs hơ̆,

Ejra 10:7

Bol khai yal dô jơnau tơnggit làm jơh Juda mơ Jerusalem sồr jơh ală cau neh kong kup cèng pal tus pơjum tòm Jerusalem.

Ejra 4:1

Tòm tŭ ală cau sò tơm làng bol Juda mơ Benjamin di kơno lah, ală cau neh kòl kup cèng rê wơl bơt bơtào wơl dô nơm hìu duh khoai Jehôwa Yàng Tom Trồ Israel dê,

Ejra 6:16

Gen làng bol Israel, ală cau gơnoar ơn phan duh khoai, ală cau Lebi, mơ jơh ală cau neh rê wơl bơh di tiah neh kong kup cèng lơh dĭ, bol khai pơjum sa ngai ơn hìu Yàng Tom Trồ in dô bă chò hòp ngan.

Daniel 1:1

Tòm nam dơ̆ pe rài Jehôyakim bơtau Juda dê, Nebukatnessar, bơtau Babilôn lòt tus gơrwàng Jerusalem.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Daniel 1:21

Behơ̆, Daniel kư̆ ơm tềng hơ̆ jơl tus di nam sơnròp rài bơtau Sirus dê.

Daniel 1:6

Tòm mpồl bol khai gơs Daniel, Hanania, Misael mơ Ajaria.

Daniel 2:25

Ariôk sơrbac sơrbang lam Daniel tus di đap bơtau, mơ đơs mơ bơtau be do: “Ơ bơtau, añ neh jòi bàn dô nă cau digùl ală kòn sau cau Juda neh kong kup gơs dĭ, cau hơ̆ rơp yal bơtau in git jơnau gơtha bơta mpau dê.”

Daniel 2:48

Gen cau bơtau yò tơngguh Daniel ryŭ ryơm mơ ai khai in oă phan kas màng. Bơtau pồ bơtào khai at bồ jơh kơnhwàl Babilôn, mơ gơs kwang at bồ wil tơl hơđang jơh ală cau jak chài Babilôn dê.

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 5:14

Añ neh kơno đơs bơh mê la gơs hwềng ală yàng di ơm tòm mê, mơ mê gơs bơta àng, bơta git wă mơ jak chài lin rlau.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 5:2

Tòm tŭ cau bơtau ñô tơrnòm duh hơng tòm nùs gen khai sồr cèng ală phan ngui mơ màh mơ priă mơ bơtau Nebukatnessar bèp khai dê neh ai bơh hìu duh khoai Yàng Tom Trồ dê tòm Jerusalem, tồ khai bal mơ ală cau kwang dờng, ală bau ùr mơ ală bau cồng khai dê ngui nàng ñô tơrnòm.

Daniel 6:13

Bol khai ho wơl mơ bơtau lah: “Daniel la dô nă cau kòl kup cèng pơrdô bơh Juda, khai ò gơs nùs ki ngàm di bơtau dô êt lơi; Ơ bơtau, bulah tus di jơnau bơkơ̆u mơ bơtau neh lơh tềl sơnđan mat kung behơ̆ sơl; mơya khai kư̆ hòi dan kòp ngai pe dơ̆.”

Daniel 8:1

Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Jang 7:1

Tơnơ̆ mơ broă hơ̆, Yàng Jesu lòt làm jơh Galile. Kơnràñ ò bài lòt tòm Jude, tài bơh cau Juda jòi nàng tơnchơt Kơnràñ.

Jang 7:3

Behơ̆, ală oh mi Yàng Jesu đơs mơ Kơnràñ lah: “Lik lòt tĕ bơh do, tus tòm Jude nàng ală cau bơtê bi dê kung geh sền gŏ broă bi lơh.