Daniel 4:34 - Sră Goh 2018

³⁴ Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 4:34 Mawu Ofanana

II Samuel 22:31

Gơwèt mơ Yàng Tom Trồ ală gùng dà Yàng Tom Trồ la wil tơl, jơnau ho Yàng Jehôwa dê la song ngan. Kơnràñ la dô nơm khèl jơh ală cau in kìng crŭ tòm Kơnràñ.

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

I Yal Yau 29:13

Mơ tŭ do ơ Yàng Tom Trồ bol hi dê, bol hi ưnngài Kơnràñ mơ jòng ro sơnđan gơklŏ Kơnràñ dê.

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Đơs Crih 10:16

Yàng Jehôwa la Bơtau at bồ jơl sùm sùm ò git lồi; Ală làng bol rơp gơkòl tơnroh thit bơh di lơgar Kơnràñ dê.

Đơs Crih 102:24

Añ đơs lah: “Ơ Yàng Tom Trồ añ jê, ală sơnam Yàng dê gam sùm sùm jơl jơh ală rài, Dan bañ tă añ tòm gùl khà ală ngai añ jê.”

Đơs Crih 107:15

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 107:31

Lòi bol khai ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:8

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 111:7

Ală broă bơh tê Kơnràñ lơh la dòn song mơ song ring; Ală bơta sồr lam Kơnràñ dê la pal dòn kơnòm.

Đơs Crih 121:1

Añ pò mat tơnggòr hơđang mơnơm. Bơta dong kòl añ jê tus bơh đah lơi taih?

Đơs Crih 123:1

Añ pò mat tơnggòr sền di Yàng, Ơ Bơtau nggui hơđang ală tap trồ!

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Đơs Crih 146:10

Yàng Jehôwa rơp at bồ sùm sùm; Ơ Siôn, Yàng Tom Trồ mê dê la Bơtau jơl jơh ală rài. Jòng ro Yàng Jehôwa!

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Đơs Crih 66:7

Yàng ngui gơnoar pràn Kơnràñ dê mơ at bồ sùm sùm, Mat Yàng sền sơwì ală làng bol; Ală cau tòmdră bañ jòng să he. (Selah)

Đơs Crih 7:17

Añ rơp ưnngài Yàng Jehôwa bơh bơta song ring Kơnràñ dê, Mơ đơs chò jòng ro sơnđan Yàng Jehôwa la Bơtau Hơđang Rlau jơh.

Đơs Crih 9:2

Añ rơp chò hòp hừh hơh tòm Kơnràñ, Ơ Bơtau Hơđang Rlau Jơh, añ rơp đơs chò jòng ro sơnđan Kơnràñ dê.

Đơs Crih 92:1

Ơ Bơtau Hơđang Rlau Jơh, bơta hơ̆ la niam tòm tŭ ưnngài Yàng Jehôwa, Mơ đơs chò jòng ro sơnđan Kơnràñ dê.

Esai 13:11

Añ rơp lơh glài dunnia bơh bơta iơh bơsak gơ dê, lơh glài cau jàñ bơsak bơh bơta tồi glài iơh bơsak bol khai dê, Añ rơp pơndut bơta jòng să cau pơnhừ să dê, mơ rơp tơmù bơta pơnhừ să cau iơh rmơh dê.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 24:15

Gen tàng bơh đah mattơngai lik, cèng bơta gơklŏ Yàng Jehôwa in, tòm ală bồt pơlào dàlềng dê, jòng ro tĕ sơnđan Yàng Jehôwa la Yàng Tom Trồ Israel dê.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Ñìm Rac 3:38

Hơ̆ ò di bơh bơr Bơtau Hơđang Rlau Jơh mơ gơlik bơta rung rài mơ bơta lơngai lơngò ơ?

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:2

Añ ai lơh niam nùs mơ yal bol mê in ală bơta krơi mơ tềl is crih crài mơ Yàng Tom Trồ Hơđang Rlau Jơh neh lơh añ in.

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 4:36

Tòm tŭ hơ̆ mo, dơngoh jak gơrê wơl mơ añ. Añ dòp geh wơl gơnoar at bồ lơgar bal mơ bơta ryŭ ryơm àng gơklŏ cau bơtau dê; ală cau kwang dờng at bồ rê wơl duh broă añ. Añ geh bơtào wơl hơđang sơbàn lơgar, mơ gơnoar pràn añ jê gơbơtơl rlau mơ lài òr.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 5:21

Khai kòl bơtrơh bơh digùl kòn mơnus, nùs khai gơlik gơs be nùs phan poan jơng, mơ khai ơm bal mơ ală alàng brê. Cau ai khai in sa ñhơt kung be kơnrồ, mơ să jan khai kong sùh mơ dà tŭ bơh đang trồ jơl tus di tŭ khai đal git lah Yàng Tom Trồ Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Daniel 9:14

Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Jôna 1:14

Gen bol khai hòi dan mơ Yàng Jehôwa lah: “Khoai Yàng Jehôwa, bol hi hòi dan bañ lòi bol hi chơt tài bơh tơnchơt cau do. Dan bañ lơh glài bol hi tài bơh tơnchơt dô nă cau ò gơs glài, bơh gơwèt mơ Kơnràñ, Ơ Yàng Jehôwa, Kơnràñ neh lơh bơta jat nùs Kơnràñ kòñ.”

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Luka 1:33

Kơnràñ rơp at bồ hìu nhă Jakôp dê jơl sùm sùm, lơgar Kơnràñ ò gơs lồi.”

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Jang 5:26

Bơh Bèp gơs bơta kis tòm să tòm Bèp be lơi, gen Kơnràñ kung neh ai Kòn in gơs bơta kis tòm să tòm Kòn behơ̆ sơl;

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Yal Tơlik 10:6

sơnio Bơtau kis gam sùm sùm ò lồi, la Bơtau neh crơng gơs trồ mơ ală phan hơđang trồ, crơng gơs ù mơ ală phan tòm ù, crơng gơs dàlềng mơ ală phan tòm dàlềng. Mơ khai srat să lah ò gơs tŭ lơi gơn tai,

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 4:10

gen bàr jơt poan nă cau kwang kra tơmbic să di đap Bơtau nggui hơđang sơbàn, mơ duh khoai Kơnràñ la Bơtau kis gam sùm sùm ò lồi. Bol khai sơrbì ală sơgơn bơtau bol khai dê di đap sơbàn mơ đơs lah:

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,