Daniel 4:32 - Sră Goh 2018

³² Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 4:32 Mawu Ofanana

II Yal Yau 33:13

Mơ tòm tŭ khai hòi dan mơ Kơnràñ, Yàng Jehôwa gơs nùs rngoh rngac nđàc sơngit di khai mơ iat jơnau khai rac dan; behơ̆ Kơnràñ cèng khai rê wơl hơ Jerusalem mơ hơ lơgar khai at bồ. Gen Manase đal git Yàng Jehôwa la Yàng Tom Trồ.

Sră Jop 42:2

“Añ git lah Yàng rgơi lơh jơh ală bơta, Ò gơs cau lơi rgơi kơryan broă lơh Yàng dê.

Sră Jop 9:12

Dilah Kơnràñ sơmbat kup, ñcau rgơi kơryan Kơnràñ taih? Ñcau rơp đơs mơ Kơnràñ lah: ‘Ñchi Yàng lơh taih?’

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Đơs Crih 135:6

Bơta lơi niam nùs Yàng Jehôwa gen Kơnràñ lơh bơta hơ̆, Hơđang trồ hala tòm ù, tòm dàlềng hala tòm ală tiah jrô.

Lik Ejiptơ 8:10

Pharaôn đơs lah: “Ngai hìng.” Môise ho lah: “Rơp gơlik gơs jat be bơtau đơs, nàng bơtau in git lah ò gơs yàng lơi ndai tòm toh kung be Yàng Jehôwa la Yàng Tom Trồ bol hi dê.

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Lik Ejiptơ 9:29

Môise ho lah: “Tòm tŭ añ neh lik bơh di ƀòn dờng, añ rơp pò tê hòi dan mơ Yàng Jehôwa. Ntơr kơnàs rơp thit, mìu piar rơp ò gam tai, tồ bơtau in git lah plai ù gơrê bal mơ Yàng Jehôwa.

Esai 37:20

Tŭ do, khoai Jehôwa Yàng Tom Trồ bol hi dê, dan dong tă bol hi klàs bơh di tê khai dê, tồ jơh ală lơgar tòm plai ù rơp git mìng dô nă Kơnràñ lơm, khoai Yàng Jehôwa, la Yàng Tom Trồ.”

Esai 40:15

Ngan, ală làng bol ò gơkrơi kung be dô tơioh dà tòm thùng; geh kòp be kơmbuh ù hơđang phan kơr; Kơnràñ kơr ală bồt pơlào kung be kơmbuh ù rhền.

Esai 40:17

Jơh ală lơgar di đap Kơnràñ gơlơh kung be ò gơs, Kơnràñ sền bol gơ ò kwơ mơ roh lơm.

Esai 45:3

Añ rơp ai mê in ală đam jàr phan màng tòm tiah jơngo, bơta pas gơs neh prap lòi tòm ală tiah ndơp ndơr, nàng mê in git Añ la Yàng Jehôwa, Yàng Tom Trồ Israel dê, la Bơtau neh hòi mơ sơnđan mê dê.

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 4:31

Khai òhềt đơs sir ală jơnau hơ̆ gen gơs jơnau bơh đang trồ đơs lah: “Ơ bơtau Nebukatnessar, do la bơta neh lơh nền mê in, gơnoar at bồ lơgar mê dê neh tă bơh mê.

Daniel 5:21

Khai kòl bơtrơh bơh digùl kòn mơnus, nùs khai gơlik gơs be nùs phan poan jơng, mơ khai ơm bal mơ ală alàng brê. Cau ai khai in sa ñhơt kung be kơnrồ, mơ să jan khai kong sùh mơ dà tŭ bơh đang trồ jơl tus di tŭ khai đal git lah Yàng Tom Trồ Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Jôsue 4:24

Behơ̆ tồ jơh ală làng bol tòm dunnia in git lah tê Yàng Jehôwa dê gơs gơnoar dờng, mơ tồ bol mê in duh rngòt di Jehôwa Yàng Tom Trồ bol mê dê sùm sùm.”