Daniel 4:3 - Sră Goh 2018

³ Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:3 Mawu Ofanana

Sră Jop 25:2

“Gơnoar at bồ mơ bơta duh rngòt gơrê mơ Yàng Tom Trồ; Kơnràñ lơh bơta ring lơngai tòm tiah jơnhoa hơđang trồ.

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Đơs Crih 105:27

Bol khai lơh ală tềl is Kơnràñ dê digùl lơgar Ejiptơ, Mơ lơh ală bơta krơi tòm lơgar Cam.

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Đơs Crih 66:7

Yàng ngui gơnoar pràn Kơnràñ dê mơ at bồ sùm sùm, Mat Yàng sền sơwì ală làng bol; Ală cau tòmdră bañ jòng să he. (Selah)

Đơs Crih 72:18

Pal jòng ro Yàng Jehôwa la Yàng Tom Trồ Israel dê, mìng dô nă Kơnràñ lơm lơh ală broă crih crài.

Đơs Crih 77:19

Gùng Yàng dê gan tòm dàlềng, Ală gùng lòt Yàng dê gan tòm ală dà har, Ai ală tềl jơng Yàng lòt gen ò gơs cau lơi gŏ.

Đơs Crih 86:10

Bơh Yàng la dờng ngan, lơh ală broă crih crài; Mìng dô nă Yàng lơm la Yàng Tom Trồ.

Đơs Crih 92:5

Ơ Yàng Jehôwa, ală broă lơh Kơnràñ dê la dờng ngan ò git lơh! Ală bơta kơlôi sơnơng Kơnràñ dê la jrô ndơp ngan!

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 28:29

Jơh ală bơta hơ̆ kung tus bơh Yàng Jehôwa Gơnap Gơnoar Dờng, tơnggume broă Kơnràñ dê crih crài, mơ jak chài lin rlau jơh.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Daniel 2:2

Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Rôma 11:33

Ô! Jrô ndơp ngan ală bơta pas gơs, bơta jak chài mơ bơta git jak Yàng Tom Trồ dê! Ală bơta lơh nền Kơnràñ dê ñcau rgơi ràng tơlik! Gùng dà Kơnràñ dê ñcau rgơi git wă!

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

Hebrơ 1:8

Mơya tòm tŭ đơs bơh Kòn gen Kơnràñ đơs lah: “Ơ Yàng Tom Trồ, sơbàn Yàng dê gam sùm sùm ò lồi. Gai gơnoar at bồ lơgar Yàng dê la gai gơnoar at bồ song ring.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”