Daniel 4:27 - Sră Goh 2018

²⁷ Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Daniel 4:27 Mawu Ofanana

Sơnròp Gơlik Gơs 11:4

Bol khai đơs tai lah: “Behơ̆ bol he bơt tĕ dô nơm ƀòn, mơ bơt dô nơm gơlang jơnhoa tus hơ trồ, bol he lơh tĕ gơs pơnro sơnđan bol he in, rngòt bol he lòt gơprah gơpring tòm ù mòn!”

I Ală Bơtau 21:29

“Mê neh gŏ mbe lơi Ahap pìn pơndêt să di đap mat Añ sơl? Tài bơh khai pìn pơndêt să di đap Añ, Añ rơp ò cèng tus bơta rung rài tòm rài khai; mơya tòm rài kòn klau khai Añ rơp cèng bơta rung rài hơđang hìu khai dê.”

Đơs Crih 119:46

Añ kung rơp đơs bơh ală jơnau sồr kràñ cê Kơnràñ dê di đap ală cau bơtau, Mơ rơp ò kòl ƀàssìl dô êt lơi,

Jơnau Pơnđik 11:2

Tŭ pơnhừ să tus, bơrsèl tơnhial kung tus sơl; Mơya bơta jak chài gam ơm mơ cau pơndêt să.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 10:13

Bơh khai đơs lah: ‘Añ neh lơh bơta hơ̆ kơnòm di bơta pràn tê añ jê, mơ kơnòm di bơta jak chài añ jê, bơh añ gơs bơta git wă. Añ neh ntròn nhàr lơgar ală làng bol dê, añ neh phà kơñau ală phan màng bol khai dê, kung be dô nơm kơnrồ dam, añ neh tơmù ală cau nggui hơđang sơbàn.

Esai 47:10

Ai ơm lơngap lơngai tòm bơta iơh bơsak ai dê mơ đơs lah: “Ò gơs cau lơi gŏ añ.” Bơta jak chài mơ bơta git wă ai dê neh lam ai lòt tìs gùng, tòm tŭ ai đơs is tòm nùs lah: “Añ do, rlau mơ añ ò gơs cau lơi ndai tai!”

Esai 47:8

Gen tàng tŭ do iat tĕ bơta do, ơ bol ai la cau kòñ bơta niam nùs; la cau nggui ơm lơngai lơngò, mơ đơs is lah: “Añ do, rlau mơ añ ò gơs cau lơi ndai tai! Añ rơp ò tŭ lơi ơm bơnrau, hala git bơta roh kòn.”

Jeremi 29:7

Jòi tĕ bơta lơngap lơngai ƀòn dờng mơ Añ neh lòi bol mê in kong bơtrơh, pal tài bơh bol khai hòi dan mơ Yàng Jehôwa; tài bơh bơta lơngap lơngai bol mê, kơnòm di bơta lơngap lơngai gơ dê.’”

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Ejekiel 29:9

Ejiptơ rơp gơlik gơs tiah srau gòi mơ ngềt ngơt; gen bol khai rơp git Añ la Yàng Jehôwa. Tài bơh mê neh đơs lah: “Hiòng Nil gơrê bal mơ añ, añ neh lơh gơs gơ,”

Jôel 2:14

Ñcau rgơi git lah Kơnràñ rơp ò pơrlac mơ tơnruc nùs, mơ lòi dô bơta lơngai di ngkòi Kơnràñ, nàng bol mê ơn dô nơm phan ơn duh khoai mơ kòi mbo mơ ală phan ơn hùc, Jehôwa Yàng Tom Trồ bol mê in, taih?”

Amôs 6:13

Bol mê la ală cau hòn chò tòm Lô Debar mơ đơs lah: “Ò di bol he neh kơnòm di pràn tòm bol he dê mơ geh Karnaim ò ơ?”

Jôna 3:9

Ñcau git taih? Digơlan Yàng Tom Trồ rơp tòmgơl nùs mơ tơnruc bơta gơjrañ dờng Kơnràñ dê, mơ bol he rơp ò chơt roh.”

Habakuk 1:11

Lồc behơ̆ bol khai lòt gan mhar kung be càl; bol khai lơh tìs glài mơ gơlik gơs tồi glài, bơta pràn tòm bol khai dê la yàng bol khai dê.”

Sôphôni 2:15

Do ngan la dô nơm ƀòn dờng ò càng kơlôi rcang, ơm lơngap lơngai. Gơ đơs is tòm nùs lah: “Añ do, rlau mơ añ gơs cau lơi ndai tai sơl ơ”? Mơya gơ neh gơlik gơs tiah sang lòi ngềt ngơt, la tiah ơm ală phan poan jơng tòm brê! Jơh ală cau lòt gan gơ rơp hwac mơ rtơs tê.

Mathiơ 3:8

Gơlik tĕ plai di pal mơ bơta gơjrañ sang glài.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 8:22

Behơ̆ gơjrañ sang glài tĕ bơh bơta iơh bơsak mê dê, mơ hòi dan mơ Yàng, tồ bơta kơlôi nùs mê dê hơ̆ digơlan geh toh mê in.

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

Yal Wơl 24:13

Ai wơl tĕ ào jrùh khai in tòm tŭ mattơngai mut tồ khai rgơi bic mang tòm ào hơ̆. Gen khai rơp kah bơta nđàc bol mê dê, mơ bơta hơ̆ geh kòp la dô nơm broă song ring di đap mat Jehôwa Yàng Tom Trồ bol mê dê.

Yal Wơl 32:27

mơya Añ kìr ơmìr jơnau chồl bơchồt cau sò tơm dê, kìr ơmìr di cau sò tơm bol khai dê kơlôi tìs mơ đơs lah: ‘Tê bol hi dê neh pha lin rlau; Yàng Jehôwa neh ò lơh ală bơta hơ̆.’

Yal Wơl 8:17

Bañ đơs is lah: “Gơnap gơnoar añ jê mơ bơta pràn kơldang ală tê añ jê neh lơh gơs añ in ală phan mơna do.”

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.