Daniel 4:23 - Sră Goh 2018

²³ Mơya tus di bơta bơtau gŏ dô Bơtau kơp gàr sàng goh mù bơh hơđang trồ mơ ai jơnau sồr kơl tĕ chi mơ tơnroh tĕ, mơya lòi tĕ tơnggu ryas gơ dê tòm ù, mơ kơt tĕ gơ mơ dô dang che sreng lòs mơ kòng digùl ñhơt tơlir tòm ƀlàng sre, lòi gơ kong sùh mơ dà tŭ bơh đang trồ, mơ lòi khai in kis bal mơ ală phan poan jơng tòm ƀlàng, jơl tus di poh tơngai neh rlau hơđang khai.

Daniel 4:23 Mawu Ofanana

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Daniel 5:21

Khai kòl bơtrơh bơh digùl kòn mơnus, nùs khai gơlik gơs be nùs phan poan jơng, mơ khai ơm bal mơ ală alàng brê. Cau ai khai in sa ñhơt kung be kơnrồ, mơ să jan khai kong sùh mơ dà tŭ bơh đang trồ jơl tus di tŭ khai đal git lah Yàng Tom Trồ Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 8:13

Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”