Daniel 4:17 - Sră Goh 2018

¹⁷ Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:17 Mawu Ofanana

I Ală Bơtau 21:25

(Ngan, ò gơs cau lơi be Ahap, la cau neh tac să nàng lơh bơta iơh di đap Yàng Jehôwa, mơ khai kòl chồl bơtrut bơh bau ùr khai la Jesebel.

II Yal Yau 28:22

Tòm tŭ tìp bơta bòl glar jê sồt, bơtau Aca neh gơlik ò dòn song rlau tai mơ Yàng Jehôwa.

Đơs Crih 103:19

Yàng Jehôwa neh bơtào kơ̆ sơbàn Kơnràñ dê hơđang ală tap trồ, Lơgar Kơnràñ dê at bồ hơđang jơh ală bơta.

Đơs Crih 12:8

Tòm tŭ bơta ơlă ơlai geh yò tơngguh digùl kòn mơnus, Gen cau iơh bơsak rơp lòt gùt dar ală đah.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Esai 6:8

Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”

Ejekiel 25:17

Añ rơp lơh gơlik gơs bơta sal tê kơnjơ̆ hơđang bol khai, mơ lơh glài bol khai tòm bơta gơjrañ dờng Añ jê. Gen bol khai rơp git Añ la Yàng Jehôwa, tòm tŭ Añ sal tê di bol khai.’”

Ejekiel 7:24

Añ rơp cèng tus dô làng bol iơh bơsak rlau jơh tòm ală làng bol nàng tòmpìt ai ală hìu bol khai dê; Añ rơp tơnlồi bơta jòng să cau pràn kơldang dê, mơ ală tiah duh khoai bol khai dê rơp kong lơh gơlik gơs ƀơ̆ ƀơl.

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 4:2

Añ ai lơh niam nùs mơ yal bol mê in ală bơta krơi mơ tềl is crih crài mơ Yàng Tom Trồ Hơđang Rlau Jơh neh lơh añ in.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Rôma 13:1

Kòp nă cau pal dòn duh tĕ cau gơs gơnoar at bồ he, bơh ò gơs gơnoar lơi la ò tus bơh Yàng Tom Trồ, ală gơnoar at bồ hơ̆ la bơh Yàng Tom Trồ bơtào gơs.

I Kôrintô 1:28

Yàng Tom Trồ neh sac ală bơta dềt rhền, ală bơta kòl sền òsơp, mơ ală bơta ò gơs dunnia dê, nàng tơnroh ală bơta dunnia kơlôi la dờng màng,

I Timôthe 5:21

Di đap Yàng Tom Trồ mơ Yàng Krist Jesu mơ ală cau gơnrơh neh geh sac rwah, añ bơto mê kràñ cê prap tĕ ală bơta hơ̆, bañ pin lài tòm dơngoh, lơh broă lơi kung bañ kơryơn đah lơi.

Yal Tơlik 4:8

Poan nơm phan wìn kis hơ̆, kòp nơm gơs prau nơm đar, đah dơlam mơ đah bơdìh ală đar hơ̆ gơs bềng gar mat; ngai mơ mang bol gơ đơs sùm ò dơh lah: “Sàng goh, sàng goh, sàng goh Yàng la Yàng Tom Trồ, Bơtau Gơnap Gơnoar Dờng Làm Jơh, la Bơtau Neh Gơs, Gam Gơs mơ Rơp Tus.”

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.