Daniel 3:7 - Sră Goh 2018

⁷ Behơ̆ gen, tòm tŭ ală làng bol kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, gen ală làng bol, ală lơgar, ală jơnau đơs, tơmbic să jơh mơ duh khoai rùp ràk mơ màh mơ bơtau Nebukatnessar neh bơtào.

Daniel 3:7 Mawu Ofanana

Jeremi 51:7

Babilôn la dô nơm mơngàn màh tòm tê Yàng Jehôwa, Lơh jơh ală lơgar tòm plai ù in bơñul; Ală lơgar neh ñô tơrnòm gơ, Tài bơh hơ̆ tàng ală lơgar gơlik lu sơnrang.

Daniel 2:46

Gen bơtau Nebukatnessar tơmbic să blup mat tòm ù khoai Daniel. Bơtau sồr ơn phan ơn khai in mơ chu phan ƀô bơlhu di đap khai.

Daniel 3:10

Ơ bơtau, bơtau neh ai jơnau sồr jơh tơl nă cau tòm tŭ kơno ntas kơlwòk, rkèl, kơwào, kơñi pĕ, kơñi rơs, kơmboat mơ ală bơta kơñi ndai gen pal tơmbic să nàng duh khoai rùp ràk mơ màh.

Daniel 3:4

Gen cau kwang at bồ bơta pơjum sa ai jơnau dờng đơs lah: “Ơ ală làng bol, ală lơgar, ală jơnau đơs, do la jơnau sồr bol mê in:

Daniel 3:5

Tŭ lơi bol mê kơno ntas kơlwòk, rkèl, kơwào, kơñi pĕ, kơñi rơs, kơmboat mơ ală bơta kơñi ndai, gen bol mê tơmbic să tĕ nàng duh khoai rùp ràk mơ màh mơ bơtau Nebukatnessar neh bơt bơtào.

Daniel 3:6

Cau lơi ò tơmbic să nàng duh khoai gen rơp kong sơrbì mo tòm gùl bơnhă ồs hơng.”

Daniel 3:8

Tŭ hơ̆ gơs bàr pe nă cau Kalde lòt tus rềp nàng yă ală cau Juda.

Broă 14:16

Tòm rài lài òr, Kơnràñ lòi jơh ală làng bol in lòt jat gùng is he dê,

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 13:3

Añ kung gŏ tòm ală bồ hơ̆ gơs dô nơm bồ gơlơh be gơs sồt kơnjơ̆, mơya sồt pal chơt hơ̆ neh geh sơmbòi, mơ jơh dunnia ai lơh krơi mơ jat phan poan jơng hơ̆.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 17:8

Phan poan jơng mê neh gŏ hơ̆, lài neh gơs, tŭ do ò gơs, mơ gơ rơp guh bơh tòm brong jrô hùt hung mơ lòt tus hơ tiah roh rui. Ală cau ơm hơđang plai ù mơ sơnđan mat bol khai ò gơs cih tòm sră bơta kis bơh dê tŭ crơng gơs trồ tiah, dơ̆ bol khai gŏ phan poan jơng gen bol khai rơp ai lơh krơi, tài bơh lài gơ neh gơs, tŭ do ò gơs, mơ tơnơ̆ rơp tus tai.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.