Daniel 3:6 - Sră Goh 2018

⁶ Cau lơi ò tơmbic să nàng duh khoai gen rơp kong sơrbì mo tòm gùl bơnhă ồs hơng.”

Daniel 3:6 Mawu Ofanana

Sơnròp Gơlik Gơs 19:28

Khai tơnggòr sền đah Sôdôm mơ Gômôrơ, mơ làm lơgar tòm ƀlàng, gen khai gŏ ñhŭ bơh tòm tiah hơ̆ guh hơđang, kung be ñhŭ ồs bơh tòm bơnhă dờng.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Esai 44:17

Lòng gam wơl, khai lơh gơs dô nă yàng, hơ̆ la rùp ràk khai dê; khai cùn di đap gơ mơ duh khoai. Khai hòi dan mơ đơs lah: “Dan dong klàs añ, kơnràñ la yàng añ jê.”

Jeremi 29:22

Kòp nă cau Juda kong kup cèng ngài tòm Babilôn rơp ai bàr nă cau hơ̆ lơh gơs dô sèng srat rma, mơ lah: ‘Dan Yàng Jehôwa lơh mê in kung be Jedekia mơ Ahap, mơ bơtau Babilôn neh buh tòm ồs!’

Daniel 2:5

Cau bơtau ho wơl mơ ală cau Kalde lah: “Do lah bơta añ lơh nền: ‘Dilah bol mê ò yal añ in git bơta mpau hơ̆ bal mơ jơnau gơtha gơ dê, gen să jan bol mê rơp kong crè rpot rpet, hìu ơm bol mê rơp kong tơnlề jơh.

Daniel 3:11

Mơ cau lơi ò tơmbic să nàng duh khoai rùp ràk hơ̆ gen rơp kong sơrbì tòm gùl bơnhă ồs hơng.

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 3:21

Behơ̆, bol khai kong cap bal mơ ào jrùh, srồmpha, ồi gòm bồ, mơ ală ồi ào ndai, mơ cau sơrbì bol khai tòm gùl bơnhă ồs hơng.

Daniel 3:7

Behơ̆ gen, tòm tŭ ală làng bol kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, gen ală làng bol, ală lơgar, ală jơnau đơs, tơmbic să jơh mơ duh khoai rùp ràk mơ màh mơ bơtau Nebukatnessar neh bơtào.

Daniel 5:19

Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Daniel 6:7

Jơh ală cau kwang đơng lơgar, ală cau kwang at bồ kơnhwàl lơgar, ală cau kwang bơyai broă bal mơ ală cau kwang ndai gơs dô nùs bal dan bơtau tơlik jơnau sồr bơkơ̆u kràñ cê tòm pe jơt ngai, dilah cau lơi hòi dan di yàng lơi ndai, hala di cau lơi ndai rlau mơ cau bơtau, gen cau hơ̆ rơp pal kong sơrbì tòm wàng klìu triă.

Mathiơ 13:42

gen sơrbì tòm brong ồs, tềng hơ̆ gơs bơta ñìm rac mơ rkiat sề.

Mathiơ 13:50

gen sơrbì bol iơh bơsak hơ̆ tòm brong ồs; tềng hơ̆ gơs bơta ñìm rac mơ rkiat sề.”

Mathiơ 4:9

mơ đơs lah: “Dilah Kơnràñ tơmbic să di đap añ mơ duh khoai añ, gen añ rơp ai Kơnràñ in jơh ală bơta do.”

Jơnau Niam Jat Mak 6:27

Bơtau sồr dô nă cau ling kơp gàr lòt, mơ cèng brê bồ Jang dê. Cau hơ̆ lòt koh bồ Jang tòm hìu jàm,

Yal Tơlik 14:11

Ñhŭ bơta jê sồt bol khai dê gơguh gam sùm sùm ò lồi. Ală cau duh khoai phan poan jơng mơ rùp gơ, mơ ală cau dòp tềl sơnđan gơ, gen ngai mơ mang bol khai ò geh tŭ lơi rlô.”

Yal Tơlik 9:2

Sơmañ hơ̆ pò brong jrô hùt hung, gen gơs ñhŭ gơguh be ñhŭ dô nơm bơnhă ồs dờng; mattơngai mơ pah gòi gơlik gơs jơngo bơh ñhŭ guh bơh bơtô hơ̆.