Daniel 3:28 - Sră Goh 2018

²⁸ Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 3:28 Mawu Ofanana

Sơnròp Gơlik Gơs 9:26

Khai đơs tai lah: “Pal jòng ro Jehôwa Yàng Tom Trồ Sem dê; Kanaan pal lơh gơs cau dĭ khai in!

I Yal Yau 5:20

Mơ tòm tŭ bol khai geh dòp bơta dong kòl nàng tòmdră mơ ală cau sò tơm, bol khai hòi dan mơ Yàng Tom Trồ tòm bơta tòmlơh; gen Kơnràñ jào cau Hagrit bal mơ mpồl lòt bal mơ bol hơ̆ tòm tê bol khai dê, mơ Kơnràñ ai bol khai in bơta pha lin, tài bơh bol khai dòn kơnòm di Kơnràñ.

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

Ejra 1:3

Dan Yàng Tom Trồ ơm bal mơ bol mê la làng bol Kơnràñ dê. Rê wơl tĕ hơ Jerusalem tòm Juda nàng bơt bơtào wơl hìu duh khoai Jehôwa Yàng Tom Trồ Israel dê, la Yàng Tom Trồ ơm tòm Jerusalem.

Ejra 6:11

Rlau mơ hơ̆ tai, añ ai jơnau gơnoar sồr lah dilah cau lơi tòmgơl ală jơnau sồr do gen pal tă tĕ dô nơm ròc bơh di hìu khai, sơntơp ròc hơ̆ mơ yồng khai hơđang; mơ hìu khai pal lơh gơlik gơs dô gơnru sù siă.

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 33:18

Ne, mat Yàng Jehôwa dê sền di cau duh rngòt di Kơnràñ, Mơ sền di cau gơn kơnòm di bơta kòñ gơboh Kơnràñ dê,

Đơs Crih 33:21

Ngan, nùs bol hi dê chò hòp tòm Kơnràñ, Tài bơh bol hi dòn kơnòm di sơnđan sàng goh Kơnràñ dê.

Đơs Crih 34:22

Yàng Jehôwa tơwài bơta kis ală cau duh broă Kơnràñ dê; Mơ cau lơi kìng crŭ să he tòm Kơnràñ gen ò gơkòl lơh nền glài.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Esai 50:10

Ñcau tòm bol mê la cau duh rngòt di Yàng Jehôwa, mơ dòn bơr lơh jat jơnau cau duh broă Kơnràñ dê taih? Lòi ală cau lòt tòm tiah klam jơngo, la cau mơ ò gơs bơta àng, dòn tĕ di sơnđan Yàng Jehôwa, mơ kơnòm tĕ Yàng Tom Trồ khai dê.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 3:25

Bơtau đơs tai lah: “Do, añ gŏ poan nă cau ò kòl cap, cơnđòa lòt digùl ồs mơ ò jê sồt, mơ rùp să cau dơ̆ poan gơlơh be rùp să dô nă yàng dê.”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 6:16

Gen bơtau sồr cèng Daniel tus, mơ sơrbì khai tòm wàng klìu triă. Bơtau đơs mơ Daniel lah: “Dan Yàng Tom Trồ mê dê, la bơtau mê jơh nùs dòn song duh broă, rơp dong tă mê.”

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Broă 4:19

Mơya Pier mơ Jang ho lah: “Ală ồng sền sơwì tĕ di đap Yàng Tom Trồ, lơh jat jơnau ală ồng dê hala lơh jat jơnau Yàng Tom Trồ dê?

Broă 5:19

Mơya tòm mang hơ̆ gơs dô nă cau gơnrơh Yàng dê pò mpồng hìu jàm tơlik ală cau gơnoar bơto dờng mơ nting lah:

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

I Kôrintô 13:3

Bulah añ cèng jơh ală phan mơna añ jê nàng ròng siam cau rƀah lơòi, bulah añ phi să jan nàng kong chu, mơ dilah ò gơs bơta kòñ gơboh, gen bơta hơ̆ ò gơs kwơ añ in.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 11:37

Bol khai kong cau cơm mơ lŭ, òt koh, ơniai, sreh mơ đào, soh phan gơltau belàt, gơltau be mơ lòt nrah nring, kong rƀah lơòi, rung rài, rồn bơklơn;

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.