Daniel 2:9 - Sră Goh 2018

⁹ Dilah bol mê ò yal tòm toh bơta mpau hơ̆ añ in gen kung gơs mìng dô bơta lơh glài hơ̆ bol mê in lơm. Bol mê neh tòmbơyai bal mơ ai ală jơnau gơlềng gơlàng ma blac nàng yal tơlik ală bơta mpau añ in, jơl tus ală bơta gơtòmgơl wơl. Behơ̆, yal tĕ añ in bơta mpau hơ̆, gen añ rơp git la bol mê rgơi yal tơlik jơnau gơtha gơ dê.”

Daniel 2:9 Mawu Ofanana

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

I Ală Bơtau 22:6

Gen bơtau Israel pơjum tơrgòm jơh ală cau gơnoar hwơr, pơgap poan rhiang nă, mơ lùp bol khai lah: “Añ pal lòt tòmlơh mơ Ramôt tòm Galaat hala ò?” Bol khai ho lah: “Lòt tĕ; bơh Yàng Jehôwa rơp jào gơtòm tê bơtau.”

Este 4:11

“Jơh ală cau kwang duh broă bơtau mơ làng bol tòm ală kơnhwàl bơtau dê git lah dilah cau klau hala cau ùr lơi lòt tus hơ cau bơtau tòm hìu dơlam mơ ò geh cau bơtau hòi tus gen cau bơtau gơs mìng dô bơta boh lam lơm: cau hơ̆ pal kong lơh glài tơnchơt. Mìng dilah bơtau yơr gai gơnoar at bồ cau hơ̆ in, gen cau hơ̆ rgơi geh kis. Să tòm añ òhềt geh hòi tus hơ cau bơtau neh dô kơnhai rau.”

Jơnau Pơnđik 12:19

Sơndồi song ngan geh kơ̆ wền sùm sùm; Ai lơmpiat ma blac mìng gam dô êt jŏ lơm.

Esai 41:23

Yal tĕ bol he in bơh ală bơta rơp gơlik gơs tòm ngai tơnơ̆, tồ bol he in git bol mê la ală yàng. Lơh bơta lơi niam hala lơh bơta iơh, tồ bol he in rngòt rngơt mơ kìr.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Ejekiel 13:17

Ai mê ơ kòn mơnus, mê wèt mat tòmdră mơ ală kòn ùr làng bol mê dê, la ală cau đơs hwơr jat bơta kơlôi sơnơng is bol khai dê. Đơs hwơr tòmdră mơ bol khai,

Ejekiel 13:19

Bol ai neh sền òsơp di Añ digùl ală làng bol bơh dô sơmbat kòi brà mơ dô êt piang lă. Bơh jơnau đơs blac mơ làng bol Añ jê la cau iat ală jơnau đơs blac, bol ai tơnchơt ală cau ò di pal chơt mơ lòi kis ală cau ò di pal kis.’

Ejekiel 13:6

Bơta gơtơnggŏ bol khai dê la ò gơs ngan, mơ jơnau đơs hwơr bol khai dê la blac. Bol khai đơs lah: “Yàng Jehôwa đơs,” tòm tŭ Yàng Jehôwa ò sồr bol khai, bulah behơ̆ bol khai kơp gơn ală jơnau bol khai dê geh gơlik gơs wil tơl.

Daniel 2:16

Tŭ hơ̆ mo, Daniel mut mơ bơtau mơ dan bơtau ai khai in tŭ tơngai gen khai rơp yal tơlik jơnau gơtha bơta mpau hơ̆ bơtau in.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 2:8

Cau bơtau ho lah: “Añ git bol mê jòi bơta nàng pơrwài tŭ tơngai. Tài bơh bol mê git bơta añ neh lơh nền!

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 5:28

Parsin la: cah is bàr pơnah, lơgar bơtau rơp gơkòl cah is mơ jào cau Medi mơ cau Persia in.”

Daniel 5:31

Mơ Darius la cau Medi dòp geh lơgar, tŭ hơ̆ khai gơs prau jơt bàr nam.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.