Daniel 2:44 - Sră Goh 2018

⁴⁴ Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 2:44 Mawu Ofanana

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

II Samuel 7:13

Khai rơp bơt dô nơm hìu Sơnđan Añ in, mơ Añ rơp bơtào sơbàn lơgar bơtau khai dê gam sùm sùm.

II Samuel 7:16

Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Ejekiel 37:25

Bol khai rơp ơm tòm lơgar mơ Añ neh ai cau duh broă Añ jê la Jakôp, la lơgar mơ ồng pàng bol mê neh ơm. Bol khai, kòn sau bol khai, mơ kòn sau kòn sau bol khai dê rơp ơm tềng hơ̆ jơl sùm sùm; cau duh broă Añ jê la Dabit rơp gơs bơtau bol khai dê jơl sùm sùm.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:34

Tòm tŭ bơtau tơnggòr sền rùp ràk hơ̆ gen gơs dô pơnai lŭ ò di bơh tê cau phàt gơpơrlă tus mơ tơm di mpàng jơng lòs bơcă bal mơ ù kơnàng rùp ràk dê, mơ lơh rùp ràk in bơcah lề lac jơh.

Daniel 2:35

Gen lòs ù kơnàng, kòng, priă mơ màh bơcah lề lac jơh, gơlik be thul tòm làn kòi tòm kơnhai prang gơs càl khồm pơrdô, gơ par roh thit jơh. Ai pơnai lŭ neh tơm bơcah rùp ràk hơ̆ gen gơlik gơs dô nơm mơnơm dờng bềng lìu làm ù tiah.

Daniel 2:37

Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Daniel 2:43

Bơta bơtau neh gŏ lòs bơcă bal mơ ù kơnàng, hơ̆ la bol khai tòmbơcă lơh gơs dô bă bal, mơya ò gơtòmđềt bal kung be lòs ò gơtòmđềt bal mơ ù kơnàng behơ̆ sơl.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 6:27

Kơnràñ dong tă mơ dong klàs, lơh ală tềl is bơta krơi hơđang trồ mơ tòm ù, Kơnràñ neh dong tă Daniel bơh di gơnoar pràn ală klìu triă dê.”

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Mice 4:7

Añ rơp lơh cau kwet gơlte in gơlik gơs làng bol gam wơl, lơh ală cau neh kong kup cèng gơlik gơs dô nơm lơgar pràn. Yàng Jehôwa rơp at bồ bol khai tòm mơnơm Siôn, bơh tŭ do jơl tus sùm sùm.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Jang 12:34

Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?”

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 2:27

Cau hơ̆ rơp at bồ mơ dô nơm gai lòs, khai gơs gơnoar pòng bơcah bol khai be ală gri mơ ù, kung be să tòm Añ neh dòp gơnoar hơ̆ bơh di Bèp Añ,