Daniel 2:41 - Sră Goh 2018

⁴¹ Mơ kung be bơtau neh gŏ, mpàng jơng mơ ràs jơng nggùl mơ ù kơnàng mơ nggùl mơ lòs, hơ̆ la dô nơm lơgar rơp gơkòl cah is, mơya gam gơs bơta pràn kơldang lòs dê, kung be bơtau neh gŏ lòs bơcă bal mơ ù kơnàng.

Daniel 2:41 Mawu Ofanana

Daniel 2:40

Lồi tơnơ̆, bơtào tơngguh dô nơm lơgar dơ̆ poan pràn kơldang be lòs. Mơ kung be lòs jak pòng bơcah mơ tơnlề ală lơgar ndai.

Daniel 2:42

Mơ kung be ală ràs jơng la nggùl mơ lòs nggùl mơ ù kơnàng, lơgar hơ̆ kung nggùl pràn kơldang nggùl rbă.

Daniel 7:24

Jơt nơm ngke la jơt nă cau bơtau rơp bơtào tơngguh bơh dê lơgar hơ̆: mơ tơnơ̆ mơ bol khai gơs dô nă cau bơtau bơtào tơngguh, krơi is mơ ală bơtau lài, mơ khai rơp tuh tơlup pe bơtau.

Daniel 7:7

Tơnơ̆ tai añ tơnggòr sền tòm bơta gơtơnggŏ tòm trồ mang; do, gơs dô nơm phan poan jơng dơ̆ poan gơs rùp să gơlơh rngòt rngơt ngan, gơ jàñ bơsak, mơ pràn kơldang ò git lơh. Gơ gơs sề dờng mơ lòs, gơ kap crè, jan bơcah, mơ ai jơng jă tơnlề phan lơi gam wơl. Gơ krơi is mơ pe nơm phan poan jơng neh tus lài, mơ gơ gơs jơt nơm ngke.

Yal Tơlik 12:3

Hơđang trồ kung gơlik gơs dô nơm tềl krơi ndai tai sơl: Ne, dô nơm nagrài dờng, să pơrhê, poh nơm bồ, jơt nơm ngke, ală bồ gơ ndau poh nơm sơgơn bơtau.

Yal Tơlik 13:1

Gen añ gŏ dô nơm phan poan jơng guh bơh dàlềng, gơ gơs jơt nơm ngke mơ poh nơm bồ, ală ngke ndau jơt nơm sơgơn bơtau, mơ di ală bồ gơs dô nơm sơnđan tràl sơrbil di Yàng Tom Trồ.

Yal Tơlik 17:12

Mơ jơt nơm ngke mơ mê neh gŏ hơ̆ la jơt nă cau bơtau òhềt dòp geh gơnoar at bồ, mơya bol khai rơp dòp gơnoar bơtau dê bal mơ phan poan jơng tòm dô jơ lơm.