Daniel 2:4 - Sră Goh 2018

⁴ Ală cau Kalde đơs mơ bơtau tòm jơnau Aram dê lah: “Ơ bơtau, dan bơtau in kis sùm sùm! Dan bơtau yal wơl bơta mpau hơ̆ ală cau duh broă bơtau in, gen bol hi rơp yal tơlik jơnau gơtha gơ dê.”

Daniel 2:4 Mawu Ofanana

Sơnròp Gơlik Gơs 31:47

Laban tơmoh sơnđan gơ la Jegar Sahadutha, mơ Jakôp tơmoh sơnđan la Galet.

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

I Ală Bơtau 1:25

Ngai do khai neh lòt hơđơm ne mơ ơn phan pơdơng duh khoai oă ngan kơnrồ, kơnrồ dam lơmă mơ belàt. Khai neh jà jơh ală kòn klau bơtau dê, ală cau kwang dờng at bồ ling, mơ Abiatha la cau gơnoar ơn phan duh khoai. Tòm jơ do, bol khai ơm ñô sa mơ khai, mơ driau dờng lah: ‘Dan bơtau Adônija in kis jŏ!’

I Ală Bơtau 1:31

Gen Batseba cùn khoai blup mat di ù, lồc behơ̆ cùn gơltang di đap bơtau mơ đơs lah: “Dan cau tòm añ jê la bơtau Dabit kis gam sùm sùm!”

II Ală Bơtau 18:26

Gen Eliakim kòn klau Hilkia, Sepna, mơ Jôa, đơs mơ Rapsake lah: “Đơs tĕ mơ ală dĭ gơna ồng tòm jơnau đơs Aram dê; bơh bol hi wă jơnau đơs hơ̆. Bañ đơs mơ bol hi tòm jơnau đơs Juda rngòt làng bol ơm hơđang dơrñang ƀòn kơno.”

Ejra 4:7

Mơ tòm rài Artaserses bơtau Persia dê, gen Bislam, Mitredat, Tabeel mơ jơh ală cau lơh broă bal mơ bol khai, cih dô pang sră pơyoa tus hơ Artaserses. Sră pơyoa hơ̆ cih tòm jơnau Aram mơ jơnau cih tơlik.

Nehemi 2:3

Gen añ đơs mơ bơtau lah: Dan bơtau in kis sùm sùm! Mbe rgơi muh mat añ ò moat jrùng, tòm tŭ ƀòn dờng la tiah gơs bơtô ƀồc ồng pàng añ ơm srau gòi mơ ală mpồng gơ dê neh kòl tơnroh bơh ồs taih?

Esai 36:11

Eliakim, Sepna mơ Jôa, đơs mơ Rapsake lah: “Dan đơs mơ jơnau Aram mơ ală cau duh broă ồng dê, bơh bol hi git wă jơnau đơs hơ̆. Bañ đơs mơ bol hi tòm jơnau Hebrơ nàng làng bol ơm hơđang dơrñang ƀòn in ò kơno.”

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 2:7

Bol hơ̆ ho wơl dơ̆ bàr lah: “Dan bơtau yal bơta mpau hơ̆ ală cau duh broă bơtau in lài, gen sồng bol hi rgơi yal tơlik jơnau gơtha gơ dê.”

Daniel 3:9

Bol khai đơs mơ bơtau Nebukatnessar lah: “Ơ bơtau, dan bơtau in kis sùm sùm.

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 4:7

Tòm tŭ ală cau jak chài Babilôn dê, ală cau gru bơjơu, ală cau sền sơmañ mơ ală cau sền dà lòt tus hơ añ, añ yal bơta mpau bol khai in, mơya bol khai ò rgơi yal tơlik jơnau gơtha gơ dê añ in.

Daniel 4:9

“Ơ Beltesassar, cau at bồ ală cau jak chài Babilôn dê, añ git la hwềng ală yàng sàng goh dê ơm tòm mê, mơ ò gơs dô bơta ndơp ndơr lơi la kalke mê in. Do la bơta mpau añ neh gŏ, yal tơlik tĕ jơnau gơtha gơ dê añ in.

Daniel 5:10

Mè bơtau kơno jơnau hơ̆ gen mut tòm ơdŭ sa, mơ đơs mơ cau bơtau lah: “Ơ bơtau, dan bơtau in kis sùm! Dan bơtau bañ lơh nùs bơtau dê rngòt rngơt, mơ muh mat bơtau gơlik pàl tai.

Daniel 5:8

Jơh ală cau jak chài Babilôn dê mut tềng hơ̆, mơya bol khai ò rgơi sền ală jơnau cih hơ̆, mơ kung ò rgơi yal tơlik jơnau gơtha gơ dê cau bơtau in.

Daniel 6:21

Tŭ hơ̆, Daniel đơs mơ bơtau lah: “Ơ bơtau, dan bơtau in kis sùm!

Daniel 6:6

Ală cau kwang at bồ kơnhwàl lơgar hơ̆ lòt tus di đap bơtau mơ đơs lah: “Ơ bơtau Darius, dan bơtau in kis sùm!

Daniel 6:7

Jơh ală cau kwang đơng lơgar, ală cau kwang at bồ kơnhwàl lơgar, ală cau kwang bơyai broă bal mơ ală cau kwang ndai gơs dô nùs bal dan bơtau tơlik jơnau sồr bơkơ̆u kràñ cê tòm pe jơt ngai, dilah cau lơi hòi dan di yàng lơi ndai, hala di cau lơi ndai rlau mơ cau bơtau, gen cau hơ̆ rơp pal kong sơrbì tòm wàng klìu triă.

Mathiơ 21:9

Mpồl làng bol cau ƀà lòt lài, cau ƀà jat tơnơ̆ driau dờng lah: “Hôsana, Kòn Dabit. Lơngai Bơtau ai sơnđan Yàng mơ tus. Hôsana hơđang jòng rlau jơh.”

I Samuel 10:24

Gen Samuel đơs mơ jơh làng bol lah: “Bol mê gŏ cau mơ Yàng Jehôwa neh sac rwah sơl? Ò gơs cau lơi ndròm be khai digùl jơh ală làng bol.” Gen làng bol driau dờng lah: “Dan cau bơtau kis jŏ!”