Daniel 2:37 - Sră Goh 2018

³⁷ Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Daniel 2:37 Mawu Ofanana

I Ală Bơtau 4:24

Bơh khai at bồ hơđang jơh ală kơnhwàl ơm đah mattơngai mut hiòng Ơphrat dê, bơh Tipsah tus hơ Gaja; mơ gơs bơta ring lơngai tòm làm lơgar.

II Ală Bơtau 25:28

Khai đơs jơnau lơbơn niam mơ Jehôyakin, mơ ơn sơbàn khai gơs gơnoar rlau mơ ală cau bơtau bal mơ khai tòm Babilôn.

II Yal Yau 36:23

“Sirus bơtau Persia đơs be do: ‘Yàng Jehôwa la Yàng Tom Trồ hơđang trồ, neh ai añ in jơh ală lơgar tòm plai ù mơ Kơnràñ neh pồ bơtào añ nàng bơt bơtào dô nơm hìu duh khoai Kơnràñ in tòm Jerusalem tòm Juda. Cau lơi digùl bol mê la làng bol Kơnràñ dê, gen guh tĕ hơ Jerusalem, mơ dan Jehôwa Yàng Tom Trồ khai dê ơm bal mơ khai!’”

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 7:12

“Artaserses, bơtau ală bơtau dê, pơyoa Ejra in la cau gơnoar ơn phan duh khoai, cau bơto bơta boh lam Yàng hơđang trồ dê: Niam să!

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Jơnau Pơnđik 8:15

Kơnòm di añ, ală cau bơtau at bồ, mơ ală cau at bồ tơlik gơnoar sồr song ngan.

Esai 10:8

Khai đơs lah: “Jơh ală cau kwang at bồ mpồl ling añ jê ò di la ală cau bơtau ò ơ?

Esai 47:5

Ơ ală kòn ùr cau Kalde dê, nggui tĕ mŏ mŏ, lòt tĕ tòm tiah klam jơngo! Bơh ai rơp ò geh sơnđan la cau ùr tòm ală lơgar bơtau tai.

Jeremi 28:14

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: Añ neh ơn yô mơ lòs hơđang ngko kòp lơgar do, nàng bol khai pal duh broă Nebukatnessar, bơtau Babilôn. Mơ tai, bol khai pal duh broă khai, mơ Añ neh ai ală jơi phan poan jơng tòm brê khai in sơl.’”

Jeremi 34:1

Gơs jơnau bơh Yàng Jehôwa đơs mơ Jeremi, tòm tŭ Nebukatnessar, bơtau Babilôn, bal mơ jơh mpồl ling khai dê, ală lơgar tòm dunnia, mơ ală làng bol ơm hơđơm gơnoar khai dê, gam tòmlơh tòmdră mơ ƀòn dờng Jerusalem mơ ală ƀòn dờng ndai gơrê bal mơ gơ.

Ejekiel 26:7

Bơh Jehôwa Yàng Tom Trồ đơs be do: ‘Añ rơp cèng Nebukatnessar, bơtau Babilôn, bơtau ală bơtau dê, bal mơ ală ơseh, ală rơndeh lòs tòmlơh, ală cau ling hào ơseh, mơ dô mpồl ling gal ngan mơ pràn kơldang, bơh đah đang tus tòmdră mơ Tirơ.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Daniel 2:31

Ơ bơtau, bơtau sền gŏ dô nơm rùp ràk dờng. Rùp ràk hơ̆ dờng ngan, àng gơcrà ngan, mơ rùp să sền gŏ rngòt rngơt ngan.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:32

Mê rơp kong bơtrơh bơh digùl kòn mơnus, rơp ơm bal mơ phan poan jơng tòm ƀlàng; mê rơp pal sa ñhơt be kơnrồ, mơ kong lơh glài tòm poh tơngai, jơl tus di tŭ mê đal git lah Bơtau Hơđang Rlau Jơh at bồ tòm lơgar kòn mơnus, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Sră Ôse 8:10

Bulah bol khai neh tòmpơyòm bơh bơta tac rwat mơ ală làng bol, tŭ do Añ rơp pơjum tơrgòm bol khai wơl. Ò jŏ tai bol khai rơp kong pơnjê pơngkồr oă ngan hơđơm ơnòng kơnjơ̆ ală cau bơtau mơ cau kwang at bồ dê.

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”