Daniel 2:23 - Sră Goh 2018

²³ Ơ Yàng Tom Trồ ồng pàng añ jê, Añ ưnngài mơ jòng ro Kơnràñ, tài bơh Kơnràñ neh ai añ in bơta jak chài mơ gơnap gơnoar, Kơnràñ neh ai añ in git bơta bol hi hòi dan mơ Kơnràñ, bơh Kơnràñ yal tơlik bol hi in git bơta pal càng bơtau dê.”

Daniel 2:23 Mawu Ofanana

Sơnròp Gơlik Gơs 18:17

Yàng Jehôwa đơs lah: “Añ pồn mơ Abraham ñchi bơta lơi Añ rơp lơh sơl ơ?

Sơnròp Gơlik Gơs 31:42

Dilah Yàng Tom Trồ bèp añ jê, Yàng Tom Trồ Abraham dê, la Bơtau Isak duh rngòt, ò ơm bal mơ añ, gen ngan tŭ do kồñ neh bơtrơh añ lik tê gòi. Yàng Tom Trồ neh sền gŏ bơta bòl glar añ jê mơ broă tòm tê añ, gen mang ti Kơnràñ neh cahrña rau.”

I Ală Bơtau 18:36

Tus di jơ ơn phan ơn bơsàp trồ mho, cau gơnoar hwơr Eli tus rềp mơ dan lah: “Ơ Jehôwa Yàng Tom Trồ Abraham dê, Isak dê, mơ Israel dê, ngai do dan yal tơnggit lah Kơnràñ la Yàng Tom Trồ tòm Israel, mơ añ la dĭ gơna Kơnràñ dê, añ dòn bơr Kơnràñ mơ lơh ală broă do.

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

I Yal Yau 29:10

Dabit jòng ro Yàng Jehôwa di đap jơh mpồl làng bol, mơ đơs lah: “Jòng ro Kơnràñ, ơ Yàng Jehôwa la Yàng Tom Trồ Israel ồng pàng bol hi dê gam sùm sùm mơ ò lồi.

I Yal Yau 29:13

Mơ tŭ do ơ Yàng Tom Trồ bol hi dê, bol hi ưnngài Kơnràñ mơ jòng ro sơnđan gơklŏ Kơnràñ dê.

II Yal Yau 20:6

mơ đơs lah: “Ơ Yàng Jehôwa la Yàng Tom Trồ ală ồng pàng bol hi dê, Kơnràñ ò di la Yàng Tom Trồ ơm hơđang trồ ơ? Kơnràñ ò di at bồ hơđang jơh ală lơgar ală làng bol ò ơ? Tòm tê Kơnràñ gơs gơnap gơnoar mơ gơnoar pràn, gen tàng ò gơs cau lơi rgơi ntào jai di đap Kơnràñ.

Đơs Crih 21:2

Yàng neh ai khai in bơta nùs khai kơp kòñ, Ò di ò ai bơta lơi sơndồi khai neh dan. (Selah)

Đơs Crih 21:4

Khai dan bơta kis mơ Yàng, gen Yàng ai khai in, ală ngai khai kis jŏ jòng sùm sùm ò lồi.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Lik Ejiptơ 3:15

Yàng Tom Trồ kung đơs tai mơ Môise lah: “Mê đơs tĕ mơ làng bol Israel: ‘Yàng Jehôwa la Yàng Tom Trồ ồng pàng bol mê dê, Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê, neh sồr añ lòt tus hơ bol mê.’ Hơ̆ la sơnđan gam sùm sùm Añ jê, la sơnđan pal kah bơh Añ bơh rài do tus rài ne.”

Jơnau Pơnđik 21:22

Cau jak chài hào hơđang theng cau ling pràn kơldang, mơ phà tơrlah theng kơ̆ cê la tiah bol khai gơn kơnòm.

Jơnau Pơnđik 24:5

Cau jak chài tòmlơh jak gơs bơta pràn rlau mơ cau pràn kơldang, mơ cau git jak lin rlau mơ cau pràn kơldang.

Jơnau Pơnđik 8:14

Añ gơs bơta kơlôi bơyai niam mơ bơta jak chài ngan; Añ gơs bơta àng loh; añ gơs gơnoar pràn.

Cau Bơto 7:19

Bơta jak chài lơh cau jak chài in gơs pràn kơldang rlau mơ jơt nă cau at bồ ơm tòm ƀòn dờng.

Cau Bơto 9:16

Behơ̆ añ đơs lah: Bơta jak chài niam rlau mơ pràn kơldang; mơya bơta jak chài cau rƀah dê kong sền òsơp, mơ jơnau đơs khai dê cau ò ai tồr iat.

Cau Bơto 9:18

Bơta jak chài niam rlau mơ ală phan tòmlơh; mơya dô nơm bơta tìs nrah tơnroh oă bơta niam.

Esai 12:1

Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 2:18

Khai dan bol hơ̆ hòi dan mơ Yàng Tom Trồ ơm hơđang trồ ai nùs nđàc sơngit yal tơlik bơta ndơp ndơr do, tồ Daniel mơ ală oh mi khai dê geh klàs chơt bal mơ ală cau jak chài Babilôn dê.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Luka 10:21

Kung tòm jơ hơ̆, Yàng Jesu geh hòn chò tòm Yàng Hwềng Goh mơ đơs lah: “Ơ Bèp la Yàng trồ tiah dê, Añ ưnngài Bèp, bơh Bèp neh pồn ală bơta do bơh di ală cau jak chài àng loh, mơ yal tơlik ală kơnòm dềt in. Ngan, ơ Bèp, bơh bơta hơ̆ niam nùs Bèp.

Jang 11:41

Behơ̆, bol khai pơrlă pơnai lŭ. Yàng Jesu tơnggòr hơđang mơ đơs lah: “Ơ Bèp, Añ ưnngài Bèp, bơh neh dòp jơnau Añ.

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Yal Tơlik 5:5

Gen gơs dô nă tòm ală cau kwang kra đơs mơ añ lah: “Bañ ñìm, ne, Klìu triă jơi bơtiàn Juda, kòn sau Dabit dê, neh pha lin rlau gen rgơi pò sră hơ̆ mơ tă poh nơm ƀang kì gơ dê.”