Daniel 2:22 - Sră Goh 2018

²² Yàng yal tơlik ală bơta jrô mơ ndơp, Kơnràñ git ală bơta tòm tiah klam jơngo, mơ bơta àng ơm bal mơ Kơnràñ.

Daniel 2:22 Mawu Ofanana

Sơnròp Gơlik Gơs 41:16

Jôsep ho lah: “Hơ̆ ò di la bơh añ, mơya hơ̆ la bơh Yàng Tom Trồ ai kơnràñ in dô jơnau ho wơl hừh nùs.”

Sră Jop 12:22

Kơnràñ pò bơta jrô ndơp lik bơh bơta klam jơngo. Mơ cèng bơta jơngo tus hơ bơta àng.

Sră Jop 26:6

Lơgar làng ƀồc ơm kuh di đap Yàng Tom Trồ, Mơ lơgar brah tìng ò gơs phan jơm gòm.

Đơs Crih 104:2

Yàng ai bơta àng gòm să tòm Kơnràñ ò gơkrơi be ào, Yàng lì ală tap trồ be dô nơm sàl.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Đơs Crih 36:9

Bơh croh dà bơta kis la bal mơ Kơnràñ; Kơnòm di bơta àng Kơnràñ dê, bol hi gŏ bơta àng.

Cau Bơto 8:1

Ñcau ndròm be cau jak chài taih? Ñcau git yal tơlik jơnau gơtha dô nơm phan taih? Bơta jak chài pơnđàng sòl muh mat cau, mơ tòmgơl muh mat kràñ cê.

Esai 41:22

Cèng ală rùp ràk bol mê dê tus rềp nàng yal bol hi in ală bơta rơp gơlik tus. Yal tĕ bol he in ală bơta neh gơs bơh lài, nàng bol he in sền sơwì bơh ală bơta hơ̆, mơ git wă ală bơta lồi dut gơ dê, hala yal loh bol hi in ală bơta rơp gơlik gơs.

Esai 41:26

Ñcau neh yal bơta hơ̆ bơh tŭ sơnròp tồ bol he in rgơi git, hala neh yal lài bơta hơ̆ nàng bol he đơs lah: “Khai đơs di” taih? Mơya ò gơs cau lơi yal, ò gơs cau lơi yal tơnggit, ò gơs dô nă cau lơi neh kơno jơnau bol mê.

Esai 42:9

Sền ne, ală bơta yau neh gơlik gơs rau, mơ Añ yal tơnggit ală bơta pa; Añ yal tơnggit bol mê in lài mơ tŭ gơ gơlik tus.”

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Jeremi 23:24

Yàng Jehôwa đơs: “Gơs cau lơi rgơi pồn să tòm ală tiah ndơp nàng Añ in ò rgơi gŏ bol khai ơ?” Yàng Jehôwa đơs: “Hơ̆ ò di ngan Añ bềng lìu ală tap trồ mơ ù tiah ơ?

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Daniel 2:11

Bơta bơtau sồr la kalke ngan, ò gơs dô nă cau lơi rgơi yal bơtau in ò, mìng ală yàng ò ơm mơ jơi poac să.”

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 5:14

Añ neh kơno đơs bơh mê la gơs hwềng ală yàng di ơm tòm mê, mơ mê gơs bơta àng, bơta git wă mơ jak chài lin rlau.

Mathiơ 13:13

Behơ̆ tàng, Añ đơs pơnyơu mơ bol khai, bơh bol khai sền mơ ò gŏ, iat mơ ò kơno, mơ kung ò git wă bơta lơi.

Jang 1:9

Hơ̆ la bơta àng ngan, neh tus tòm dunnia nàng pơnđàng tơl nă cau in.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Yal Wơl 29:28

Tòm bơta gơjrañ dờng mơ gơhào khuh Kơnràñ dê, Yàng Jehôwa neh dus tă bol khai bơh di ù tiah bol khai dê mơ sang sơrbì bol khai tòm dô nơm lơgar ndai be neh gơs tòm ngai do.”

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Jang 1:5

Do la jơnau bơto yal mơ bol hi neh kơno bơh di Kơnràñ mơ yal wơl oh mi in lah Yàng Tom Trồ la bơta àng, tòm Kơnràñ ò gơs bơta klam jơngo lơi.