Daniel 2:20 - Sră Goh 2018

²⁰ Daniel đơs lah: “Jòng ro sơnđan Yàng Tom Trồ sùm sùm ò git lồi, Bơta jak chài mơ gơnap gơnoar gơrê bal mơ Kơnràñ.

Daniel 2:20 Mawu Ofanana

Sơnròp Gơlik Gơs 14:20

Pal jòng ro Yàng Tom Trồ Hơđang Rlau Jơh, Bơtau neh jào ală cau sò tơm tòm tê mê dê!” Tòm jơh ală phan Abram neh ai wơl, Abram ơn dô pơnah jơt khai in.

I Ală Bơtau 8:56

“Pal jòng ro Yàng Jehôwa, la bơtau neh ai bơta rlô lơngap lơngai làng bol Israel Kơnràñ in, jat be ală jơnau Kơnràñ neh ho! Bơh ală jơnau niam mơ Kơnràñ neh ho mơ dĭ gơna Kơnràñ dê la Môise, ò gơs dô jơnau lơi ò gơlik di ngan ò.

I Yal Yau 29:20

Gen Dabit đơs mơ jơh dô mpồl jơnum lah: “Jòng ro Jehôwa Yàng Tom Trồ bol mê dê.” Behơ̆ jơh tơl nă bol khai jòng ro Jehôwa Yàng Tom Trồ ală ồng pàng bol khai dê; bol khai kun bồ mơ tơmbic să di đap Yàng Jehôwa mơ bơtau.

II Yal Yau 20:21

Tòm tŭ khai neh cri bơyai mơ làng bol, Jehôsaphat bơtào ală cau đơs chò nàng jòng ro Yàng Jehôwa tòm bơta gơcrà sàng goh, tòm tŭ bol khai lòt di đap mpồl ling, mơ đơs lah: “Ưnngài tĕ Yàng Jehôwa, bơh bơta kòñ gơboh kơ̆ dơn Kơnràñ dê gam sùm sùm.”

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Sră Jop 12:13

Bơta jak chài mơ pràn kơldang gơrê mơ Yàng Tom Trồ; Kơnràñ gơs bơta cri bơyai mơ bơta git wă.

Đơs Crih 113:1

Jòng ro Yàng Jehôwa! Jòng ro tĕ, ơ ală cau duh broă Yàng Jehôwa dê, Jòng ro tĕ sơnđan Yàng Jehôwa dê!

Đơs Crih 113:2

Jòng ro sơnđan Yàng Jehôwa Bơh tŭ do jơl tus sùm sùm!

Đơs Crih 115:18

Mơya bol hi rơp jòng ro Yàng Jehôwa, Bơh tŭ do jơl tus sùm sùm. Jòng ro Yàng Jehôwa!

Đơs Crih 147:5

Yàng Jehôwa bol he dê dờng ngan, gơs gơnap gơnoar ò git nđò; Bơta git wă Kơnràñ dê ò rgơi was sơnoa.

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Jơnau Pơnđik 8:14

Añ gơs bơta kơlôi bơyai niam mơ bơta jak chài ngan; Añ gơs bơta àng loh; añ gơs gơnoar pràn.

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Ejekiel 28:3

Mê ngan la jak chài rlau mơ Daniel sơl ơ? Ò gơs bơta ndơp ndơr lơi rgơi pồn bơh di mê sơl ơ?

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”