Daniel 2:2 - Sră Goh 2018

² Behơ̆, cau bơtau sồr hòi ală cau jak chài Babilôn dê, ală cau gru bơjơu, ală cau sền sơmañ, bal mơ ală cau git yal gơtha bơta ndơp ndơr nàng bol khai yal tơlik bơta mpau cau bơtau in. Tòm tŭ bol khai neh mut tus mơ ntào di đap bơtau.

Daniel 2:2 Mawu Ofanana

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Este 1:13

Gen cau bơtau lùp bơta kơlôi sơnơng ală cau git jak bơh bơta boh lam (bơh bơta do, jat bơta òs mòng bơtau đơs mơ ală cau jak chài la cau git wă bơta boh lam mơ bơta òs yau,

Lik Ejiptơ 7:11

Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê.

Esai 19:3

Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 8:19

Tŭ do, dilah gơs cau đơs mơ mê lah: “Lòt tĕ lùp ală cau sền dà mơ cau gru cau bơjơu, la ală cau đơs òm mơ đơs chều,” gen pal ho lah: “Dô nơm làng bol ò di pal hòi lùp ală yàng bol khai dê, cau chơt ai sơnđan cau gam kis,

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 2:10

Ală cau Kalde ho wơl mơ bơtau lah: “Ò gơs dô nă cau lơi tòm ù do rgơi yal tơlik bơta mpau bơtau neh gŏ. Ngan kung ò gơs cau bơtau dờng lơi gơs gơnap gơnoar, neh lùp ală cau jak chài, cau gru bơjơu, hala cau Kalde.

Daniel 2:27

Daniel ho lah: “Ơ bơtau, bơta ndơp ndơr mơ bơtau neh sồr yal tơlik gen ală cau jak chài, cau gru bơjơu, cau sền sơmañ mơ ală cau yal bơta ndơp ndơr ò rgơi yal tơlik bơtau in,

Daniel 3:8

Tŭ hơ̆ gơs bàr pe nă cau Kalde lòt tus rềp nàng yă ală cau Juda.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:6

Behơ̆, añ ai jơnau sồr cèng tus di đap añ jơh ală cau jak chài Babilôn dê, tồ bol khai yal tơlik jơnau gơtha bơta mpau hơ̆ añ in.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

I Samuel 6:2

Gen làng bol Philistin hòi pơjum ală cau kơiang mơ ală cau bơjơu gru mơ đơs lah: “Ñchi bơta bol he pal lơh mơ Đài Yàng Jehôwa dê taih? Yal tĕ bol hi in git ñchi bol hi pal lơh nàng pơyoa wơl gơ hơ tiah gơ dê.”