Daniel 2:12 - Sră Goh 2018

¹² Tài bơh bơta hơ̆ cau bơtau gơhào gơjrañ ngan, mơ ai jơnau sồr tơnchơt jơh ală cau jak chài Babilôn dê.

Daniel 2:12 Mawu Ofanana

Sră Jop 5:2

Bơta lơh sơềt sơềl tơnchơt cau bơrngơl gơla, Bơta ƀoah pơrhiat tơnchơt cau ƀă liă.

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Jơnau Pơnđik 16:14

Bơta gơjrañ dờng bơtau dê la cau kong sồr bơta chơt dê; Mơya cau jak chài lơh rài bơta gơjrañ hơ̆.

Jơnau Pơnđik 19:12

Bơtau gơhào khuh ò gơkrơi be klìu triă ơluh ơhùm; ai bơta nđàc khai be dà tŭ dùh hơđang ƀlàng ñhơt.

Jơnau Pơnđik 20:2

Bơta gơjrañ dờng bơtau dê tòm toh be klìu triă ơluh ơhùm; cau lơi lơh khai in gơhào gơjrañ ngan lơh iơh di bơta kis he.

Jơnau Pơnđik 29:22

Cau jak gơjrañ tơnggơs bơta tòmpìt tòmhà; mơ cau prap bơta gơjrañ tòm nùs tìs glài oă tai.

Daniel 2:24

Behơ̆, Daniel lòt tus hơ hìu Ariôk la cau mơ cau bơtau neh sồr tơnchơt ală cau jak chài Babilôn dê, mơ đơs mơ khai lah: “Dan bañ tơnchơt ală cau jak chài Babilôn dê, mơya lam tĕ añ lòt tus di đap cau bơtau, gen añ rơp yal tơlik bơta mpau mơ jơnau gơtha gơ bơtau in.”

Daniel 2:5

Cau bơtau ho wơl mơ ală cau Kalde lah: “Do lah bơta añ lơh nền: ‘Dilah bol mê ò yal añ in git bơta mpau hơ̆ bal mơ jơnau gơtha gơ dê, gen să jan bol mê rơp kong crè rpot rpet, hìu ơm bol mê rơp kong tơnlề jơh.

Daniel 3:13

Tŭ hơ̆, bơtau Nebukatnessar gơjrañ ngan, sồr cèng Sadrak, Mesak, mơ Abetnegô tus, gen ală cau hơ̆ kòl cèng tus di đap cau bơtau.

Daniel 3:19

Tŭ hơ̆, bơtau Nebukatnessar gơhào gơjrañ dum muh dum mat gơwèt mơ Sadrak, Mesak mơ Abetnegô, mơ ai jơnau sồr sing ồs duh hơng poh dơ̆ rlau mơ òs,

Daniel 5:19

Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Mathiơ 2:16

Dơ̆ Herôt gŏ ală cau jak chài neh pơrlồm khai, gen gơhào gơjrañ oă ngan, mơ sồr tơnchơt jơh ală kòn klau bơh bàr sơnam tus di oh nga tòm Betlehem mơ jơh kơnhwàl hơ̆, jat be tŭ tơngai ală cau jak chài neh yal khai in.

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.