Daniel 12:7 - Sră Goh 2018

⁷ Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Daniel 12:7 Mawu Ofanana

Sră Jop 27:2

“Ngan be Yàng Tom Trồ gam kis sùm, la Bơtau tă bơta song ring añ jê, mơ la Bơtau Gơnap Gơnoar Làm Jơh neh lơh hwềng soàn añ in kong sràt bơtang,

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Ejekiel 20:5

mơ đơs mơ bol khai lah: Jehôwa Yàng Tom Trồ đơs be do: ‘Tòm ngai Añ sac rwah Israel, Añ srat să mơ jơi bơtiàn hìu Jakôp dê, mơ Añ yal tơlik să tòm Añ bol khai in git tòm lơgar Ejiptơ. Añ srat să mơ bol khai mơ đơs lah: Añ la Jehôwa Yàng Tom Trồ bol mê dê.’

Daniel 10:5

Añ tơnggòr sền, do, gơs dô nă cau soh bài che dơmài, gùt dar but kơt che but mơ màh Upha.

Daniel 11:13

Bơtau đah đang rơp pơjum dô mpồl ling gal rlau mơ lài tai, mơ tòm dô êt nam tơnơ̆, khai rơp tus bal mơ dô mpồl ling dờng mơ oă ngan phan tòmlơh.

Daniel 12:6

Dô nă đơs mơ cau soh bài che dơmài ơm ntào hơđang dà hiòng mơ lah: “Gam nđò jŏ tai sồng ală bơta crih crài do rơp tus di tŭ lồi dut taih?”

Daniel 12:8

Añ kơno ală jơnau hơ̆ mơya añ ò git wă gen añ lùp lah: “Ơ yàng añ jê, ală bơta do rơp gơlik mbe lơi taih?”

Daniel 4:31

Khai òhềt đơs sir ală jơnau hơ̆ gen gơs jơnau bơh đang trồ đơs lah: “Ơ bơtau Nebukatnessar, do la bơta neh lơh nền mê in, gơnoar at bồ lơgar mê dê neh tă bơh mê.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 7:21

Añ sền gŏ ngke hơ̆ tòmlơh mơ ală cau sàng goh, mơ gơ geh pha,

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 8:14

Khai ho wơl añ in lah: “Bàr rbô pe rhiang trồ mho mơ trồ àng drim: tơnơ̆ mơ hơ̆ tiah sàng goh rơp geh lơh sàng goh wơl.”

Daniel 8:24

Khai rơp gơs gơnoar dờng ngan, mơya ò di kơnòm bơh pràn tòm khai dê. Khai rơp tơnggơs bơta tơnroh iơh rmơh ngan, mơ geh bơtoah bơtoài tòm ală broă lơh khai dê. Khai rơp tơnroh ală cau gơs gơnoar pràn mơ làng bol sàng goh.

Luka 21:14

Behơ̆ bol mê lơh nền tĕ tòm nùs, bañ kơlôi lài mbe rơp tò să he.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Yal Wơl 26:19

Kơnràñ neh yal tơlik lah Kơnràñ rơp lơh bol mê in geh jòng ro, geh tiơng pơnro mơ geh ki ngàm hơđang rlau mơ jơh ală làng bol mơ Kơnràñ neh lơh gơs, mơ bol mê rơp la dô nơm làng bol sàng goh Jehôwa Yàng Tom Trồ bol mê in tòm toh be Kơnràñ neh ho pơgon.

Yal Wơl 32:36

Ngan Yàng Jehôwa rơp cahrña làng bol Kơnràñ dê, mơ gơs nùs nđàc sơngit di ală cau duh broă Kơnràñ dê, tòm tŭ Kơnràñ gŏ bơta pràn kơldang bol khai dê ò gam tai, bulah cau dĭ hala cau khat gơboh kung ò gam wơl.

Yal Wơl 32:40

Bơh Añ pò tê Añ jê hơđang trồ mơ srat să: Be Añ kis gam sùm sùm,

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Yal Tơlik 13:5

Neh ai phan poan jơng in dô nơm bơr đơs ală jơnau pơnhừ să mơ tràl sơrbil di Yàng Tom Trồ, mơ gơ kung geh ai gơnoar at bồ tòm poan jơt bàr kơnhai.

Yal Tơlik 4:10

gen bàr jơt poan nă cau kwang kra tơmbic să di đap Bơtau nggui hơđang sơbàn, mơ duh khoai Kơnràñ la Bơtau kis gam sùm sùm ò lồi. Bol khai sơrbì ală sơgơn bơtau bol khai dê di đap sơbàn mơ đơs lah:

Yal Tơlik 4:9

Mơ kòp dơ̆ ală phan wìn kis ai bơta gơklŏ, bơta ryŭ ryơm, bơta ưnngài nàng ơn Bơtau in ơm nggui hơđang sơbàn, la Bơtau kis gam sùm sùm ò lồi,