Daniel 12:4 - Sră Goh 2018

⁴ Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 12:4 Mawu Ofanana

Esai 11:9

Gơ ò lơh jê, ò tơnroh cau lơi tòm jơh mơnơm goh Añ jê, bơh plai ù rơp bềng lìu bơta git jak bơh Yàng Jehôwa kung be dà bềng lìu dàlềng behơ̆ sơl.

Esai 29:11

Gơwèt mơ mê gen jơh dô bơta gơtơnggŏ do mìng la ală jơnau tòm dô pang sră pồt neh tap ƀang kì. Dilah sră pồt do ai dô nă cau rgơi sền sră in mơ sồr khai lah: “Dan sền tĕ sră do,” cau hơ̆ rơp ho lah: “Añ ò rgơi sền, sră neh tap ƀang kì rau.”

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Esai 32:3

Gen mat cau sền gŏ rơp ò ñềm wơl, ală tồr cau iat rơp kơno loh làng.

Esai 8:16

Mê kơt tĕ jơnau lơh cơng do mơ tap ƀang kì bơta bơto do digùl ală cau bơtê Añ jê.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 10:21

Mơya añ rơp yal mê in git ală bơta geh cih tòm Sră Jơnau Song. Ò gơs cau lơi dong añ nàng tòmdră mơ bol khai, gơs mìng Mikael la kwang dờng at bồ bol mê dê lơm.”

Daniel 11:33

Ală cau jak chài tòm làng bol rơp bơto sồr oă cau: bulah tòm dô pah ngai bol khai rơp kong sreh tơnchơt, kong chu tòm ồs, mơ kong cau tòmpìt ai jơh phan mơna.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 12:13

Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Daniel 12:5

Gen, añ, Daniel, añ tơnggòr sền mơ gŏ bàr nă cau ndai, dô nă ntào đah do hiòng, mơ dô nă ntào đah ne hiòng.

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Daniel 8:17

Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Mathiơ 24:14

Jơnau Niam bơh lơgar Yàng Tom Trồ rơp geh bơto yal làm jơh dunnia, tồ lơh cơng jơh ală làng bol in; tŭ hơ̆ bơta lồi dut rơp tus.”

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Yal Tơlik 10:4

Dơ̆ poh nơm kơnàs ntơr rau gen añ kòñ cih, mơya añ kơno dô jơnau bơh đang trồ đơs lah: “Til tĕ ală jơnau poh nơm kơnàs neh đơs, mơ bañ cih.”

Yal Tơlik 22:10

Khai đơs tai mơ añ lah: “Bañ til ală jơnau gơnoar hwơr tòm sră do, bơh tŭ tơngai neh rềp rau.

Yal Tơlik 5:1

Chòp añ gŏ tòm tê ma Bơtau nggui hơđang sơbàn gơs dô pang sră pồt cih tòm đah dơlam mơ đah bơdìh, mơ tap poh nơm ƀang kì.