Daniel 12:13 - Sră Goh 2018

¹³ Mơya mê, lòt tĕ tòm gùng mê dê jơl tus di lồi dut. Mê rơp rlô bòl, mơ tus di lồi dut ală ngai, mê rơp guh mơ dòp geh phan ƀàn mê dê.”

Daniel 12:13 Mawu Ofanana

Đơs Crih 1:5

Tài bơh hơ̆, cau iơh bơsak ntào ò jai tòm ngai cahrña, Cau glài kung ò geh mut tòm mpồl jơnum cau song ring dê sơl;

Đơs Crih 16:5

Yàng Jehôwa la pơnah añ sac rwah mơ la mơngàn añ jê; Kơnràñ prap gàr pơnah phan mơna añ jê.

Đơs Crih 16:9

Tài bơh hơ̆ nùs añ chò hòp, hwềng soàn añ hòn chò ngan; Poac să añ kung geh rlô ring lơngai.

Lik Ejiptơ 33:14

Yàng Jehôwa đơs lah: “Bơta Gơs Mat Añ jê lòt bal mơ mê, mơ Añ rơp ai mê in rlô.”

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Sacari 3:7

Yàng Jehôwa Gơnap Gơnoar Dờng Làm Jơh đơs be do: “Dilah mê cơnđòa lòt tòm gùng dà Añ jê mơ prap gàr bơta Añ sồr gen mê rơp at bồ hìu Añ, sền gàr ală ƀlàng hìu Añ, mơ Añ rơp ai mê in mut tòm sèng ală cau ntào tềng do.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”