Daniel 12:10 - Sră Goh 2018

¹⁰ Oă cau rơp geh lơh gơs sàng goh, geh lơh gơs wil tơl ò tềl ƀơ̆, mơ geh lòng tiar, mơya ală cau iơh rơp kư̆ lơh iơh. Ò gơs cau iơh lơi rơp git wă mơya ală cau jak chài rơp git wă.

Daniel 12:10 Mawu Ofanana

Đơs Crih 107:43

Cau lơi jak chài gen kơlôi sơnơng tĕ di ală bơta hơ̆, Mơ kơlôi sơnơng bơh bơta kòñ gơboh kơ̆ dơn Yàng Jehôwa dê.

Đơs Crih 51:7

Dan ai nsrum nha chi kin yơ̆i jùt goh tồi glài añ in, gen añ rơp gơs sàng goh; Dan rào añ gen añ rơp gơlik gơs bò rlau mơ piar

Jơnau Pơnđik 1:5

Lòi ală cau jak chài in kung kơno mơ geh bơtơl bơta git jak, Mơ cau git kơlôi sơwì dòp geh bơta chài rgơi,

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 47:11

Mơya dà tòm ală tiah bŏ tiah tơnau ò gơlik gơs dà bơkah niam; ală tiah hơ̆ rơp sang lòi boh in.

Daniel 11:33

Ală cau jak chài tòm làng bol rơp bơto sồr oă cau: bulah tòm dô pah ngai bol khai rơp kong sreh tơnchơt, kong chu tòm ồs, mơ kong cau tòmpìt ai jơh phan mơna.

Daniel 11:35

Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Sră Ôse 14:9

Ñcau la cau jak chài rơp đal git ală bơta do? Ñcau git kơlôi sơnơng rơp wă wơng ală bơta hơ̆? Bơh ală gùng dà Yàng Jehôwa dê la song ngan; mơ ală cau song ring rơp cơnđòa lòt tòm hơ̆, mơya ală cau tồi glài gen gơplơ̆ gơpừ tòm hơ̆.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Malaci 3:3

Bơh Kơnràñ rơp nggui kung be cau chài tŏ tiar goh hala kung be cau chài tŏ priă. Kơnràñ rơp lơh goh ală cau Lebi, lơh bol khai in goh kung be màh mơ priă, jơl tus di tŭ bol khai ơn Yàng Jehôwa in phan ơn tòm bơta song ring,

Jơnau Niam Jat Mak 4:11

Yàng Jesu ho lah: “Neh ai bol mê in bơta ndơp ndơr lơgar Yàng Tom Trồ dê, mơya gơwèt mơ cau ndai la ală cau bơdìh gen ngui jơnau pơnyơu nàng bơto sồr ală bơta.

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 12:10

Bơh bèp đah poac să jat nùs bol khai dê mơ lơh glài tơmàl bol he dô êt jŏ; mơya Bèp đah hwềng soàn lơh glài tơmàl nàng gơs kwơ màng bol he in, tồ bol he in geh pơnah bal tòm bơta sàng goh Kơnràñ dê.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 16:11

Tài bơh bơta jê sồt mơ ală toh kiat bol khai dê, gen bol khai đơs tràl sơrbil di Yàng Tom Trồ hơđang trồ, mơ ò gơjrañ sang glài bơh ală broă iơh bơsak bol khai dê.

Yal Tơlik 19:14

Ală mpồl ling hơđang trồ soh ào bài che dơmài lơbơn, bò mơ goh, hào ơseh kò lòt jat Kơnràñ.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”

Yal Tơlik 22:11

Cau lơh iơh kư̆ lòi khai lơh iơh tai, cau ngkòr ngkàc kư̆ lòi khai kòl tòm bơta ngkòr ngkàc tai, cau song ring kư̆ lòi khai lơh bơta song ring tai, cau sàng goh kư̆ lòi khai ơm sàng goh tai.”

Yal Tơlik 3:18

Behơ̆ Añ bơto tơngkah mê rwat tĕ màh Añ jê neh ryă tòm ồs, tồ mê in gơlik gơs pas sơm; rwat ală ào bò, tồ mê in soh nàng jơm ndơp bơta ƀàssìl bơh bơta ơm kuh lòi rồ mê dê; mơ rwat sơnơm nàng bong di mat tồ mê gŏ.

I Samuel 24:13

Kung be dô jơnau pơnđik cau yau dê đơs lah: ‘Ală broă lơh iơh bơsak gơlik bơh ală cau iơh bơsak,’ mơya tê añ rơp ò tòmdră mơ bèp.