Daniel 12:1 - Sră Goh 2018

¹ “Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 12:1 Mawu Ofanana

Đơs Crih 56:8

Yàng neh kòp ală cơnđòa añ jê; Dan ơn dà mat añ jê tòm gri Kơnràñ dê! Dà mat añ jê ò di neh geh cih tòm sră Kơnràñ dê ò ơ?

Đơs Crih 69:28

Dan jùt sơnđan bol khai bơh tòm sră bơta kis; Dan bañ cih sơnđan bol khai bal mơ ală cau song ring.

Esai 4:3

Ală cau gam wơl tòm Siôn, mơ ală cau gam ơm wơl tòm Jerusalem, hơ̆ la jơh ală cau geh sơnđan la sàng goh, jơh tơl nă cau geh cih tòm sră cau kis dê tòm Jerusalem.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Ejekiel 13:9

Tê Añ rơp tòmdră mơ ală cau gơnoar hwơr gŏ bơta gơtơnggŏ tìs mơ đơs hwơr ma blac. Bol khai rơp ò gơrê bal mơ mpồl tơrña broă làng bol Añ jê hala geh cih mat tòm sră hìu Israel dê, mơ bol khai kung rơp ò geh mut tòm lơgar Israel dê. Gen bol mê rơp git Añ la Jehôwa Yàng Tom Trồ.

Ejekiel 34:24

Añ la Yàng Jehôwa rơp lơh gơs Yàng Tom Trồ bol gơ dê, mơ cau duh broă Añ la Dabit rơp gơs bơtau digùl bol khai. Añ la Yàng Jehôwa neh đơs behơ̆.

Ejekiel 5:9

Tài bơh ală bơta ngkòr ngkàc mê dê, Añ rơp lơh di mê bơta mơ Añ òhềt tŭ lơi lơh, mơ Añ rơp ò tŭ lơi lơh bơta behơ̆ tai.

Daniel 10:13

Mơya bơtau at bồ lơgar Persia neh kơryan añ tòm bàr jơt dùl ngai; gen Mikael la dô nă tòm ală kwang dờng at bồ, neh lòt tus nàng dong kòl añ tài bơh añ kòl kơryan tềng hơ̆ bơh bơtau Persia.

Daniel 10:21

Mơya añ rơp yal mê in git ală bơta geh cih tòm Sră Jơnau Song. Ò gơs cau lơi dong añ nàng tòmdră mơ bol khai, gơs mìng Mikael la kwang dờng at bồ bol mê dê lơm.”

Daniel 11:45

Khai rơp bơtào ală hìu sàl cau bơtau tòm digùl dàlềng mơ mơnơm sàng goh hàng mơnĕ. Mơya bơta lồi dut khai dê rơp tus, mơ ò gơs cau lơi rơp dong kòl khai.

Daniel 7:10

Di đap Kơnràñ gơs dô nơm hiòng ồs gơhòr lìu làm jơh, rbô rbô cau duh broă Kơnràñ, mơ tơlak tơmàn ntào di đap Kơnràñ. Tŭ jơ cahrña neh tus, mơ ală sră neh pò tơlik.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Malaci 3:16

Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

Mathiơ 24:21

Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.

Jơnau Niam Jat Mak 13:19

Bơh tòm ală ngai hơ̆ rơp gơs bơta rung rài, tian gơs bơh sơnròp Yàng Tom Trồ crơng gơs trồ tiah jơl tus di tŭ do òhềt gơs behơ̆, mơ kung rơp ò tŭ lơi gơs behơ̆ sơl.

Luka 10:20

Bulah behơ̆, bañ hòn chò bơh ală cà dòn duh bol mê, mơya hòn chò tĕ bơh sơnđan mat bol mê dê neh geh cih hơđang trồ.”

Rôma 11:15

Mơ dilah bơta sang tơlik bol khai la bơta gơtòmsòr wơl dunnia in, gen bơta dòp wơl bol khai ò di la bơta kis bơh bơta chơt ò ơ?

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

Ephesô 1:21

jòng rlau jơh ală gơnoar at bồ, gơnoar, gơnoar pràn, bơta at bồ, mơ jơh ală sơnđan, ò di mìng tòm rài do lơm, mơya kung tòm rài rơp tus sơl.

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

Jude 1:9

Mơya tòm tŭ cau gơnrơh dờng rlau jơh la Mikael tòm pơndang mơ cà ràk nàng tòmpìt ƀồc Môise, gen khai ò khin ai jơnau bơrsèl tơnhial nàng yă cà ràk mơya mìng đơs lah: “Dan Yàng lah pơrhơng mê.”

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 12:7

Mơ tai, hơđang trồ gơs dô bơta tòmlơh: Mikael mơ ală cau gơnrơh khai dê tòmlơh mơ nagrài, nagrài mơ ală cau gơnrơh gơ dê tòmlơh wơl.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

Yal Tơlik 3:5

Cau lơi geh pha lin rlau gen rơp soh ào bò behơ̆ sơl. Añ rơp ò jùt sơnđan mat khai bơh di sră bơta kis, mơ Añ rơp yal tơlik sơnđan khai di đap Bèp Añ jê, mơ di đap ală cau gơnrơh Kơnràñ dê sơl.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.