Daniel 11:6 - Sră Goh 2018

⁶ Tơnơ̆ mơ dô êt nam ală bơtau hơ̆ rơp lơh gơs dô bă bal. Kòn ùr bơtau đah đơm rơp lòt tus hơ bơtau đah đang nàng lơh gơtòmsòr bal, mơya gơnoar pràn kòn ùr bơtau dê ò ơm jŏ jòng, khai mơ gơnoar pràn khai dê kung ò gam tai. Tòm ală ngai hơ̆, kòn ùr bơtau bal mơ ală cau neh lòt tus bal mơ khai, kòn khai neh deh, bal mơ ală cau neh dong kòl khai, jơh tơl nă rơp kòl sang lòi.

Daniel 11:6 Mawu Ofanana

Sră Jop 38:15

Bơta àng neh roh thit bơh di cau iơh bơsak. Mơ tơwòr tê pò hơđang bol khai dê neh kong dơrpă.

Đơs Crih 10:5

Ală gùng dà khai dê geh bơtoah bơtoài sùm; Bơta cahrña Yàng dê jòng ngan, mat khai ò rgơi sền gŏ; Khai sền òsơp di jơh ală cau sò tơm di khai.

Ejekiel 30:21

“Ơ kòn mơnus, Añ neh dơrpă tơwòr tê Pharaôn, bơtau Ejiptơ dê. Gơ ò geh kơt nàng bòi, hala geh pùt mơ che bài nàng geh tơl pràn at đào.

Daniel 11:13

Bơtau đah đang rơp pơjum dô mpồl ling gal rlau mơ lài tai, mơ tòm dô êt nam tơnơ̆, khai rơp tus bal mơ dô mpồl ling dờng mơ oă ngan phan tòmlơh.

Daniel 11:15

Gen bơtau đah đang rơp tus gơrwàng gùt dar mơ tòmpìt geh dô nơm theng ling kơ̆ cê. Mpồl ling đah đơm ò tơl pràn nàng ntào jai, bulah mpồl ling jak rlau jơh bol khai dê kung ò tơl pràn nàng tòmdră.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 11:7

Dô nă tòm hìu nhă kòn ùr bơtau dê rơp bơtào tơngguh nàng tơrbŏ sơbàn khai. Khai lam mpồl ling tus tòmlơh mơ bơtau đah đang mơ geh pha.

Sacari 11:16

Bơh Añ rơp bơtào tơngguh dô nă cau ê tòm lơgar, la cau ê rơp ò jòi belàt neh roh, ò kơlôi rcang belàt kòn, ò sơm belàt sồt rmàñ, ò siam belàt pràn, mơya rơp sa poac belàt niam rlau jơh, crè ală nđias jơng gơ dê.”