Daniel 11:38 - Sră Goh 2018

³⁸ Khai ò dòn duh ală yàng hơ̆, mìng dòn duh yàng ală ƀòn dờng kơp gàr dê; khai rơp ai màh, priă, lŭ màng, mơ ală phan ơn kas màng nàng dòn duh yàng mơ ồng pàng khai ò git.

Daniel 11:38 Mawu Ofanana

Esai 44:9

Jơh ală cau chài lơh rùp ràk la roh lơm, ală phan bol khai kòñ gơboh la ò kwơ dô êt lơi. Ală cau lơh cơng bol khai dê ò gŏ mơ kung ò git, behơ̆ bol khai rơp gơkòl tòm bơta ƀàssìl ƀàsso.

Daniel 11:37

Khai rơp sền òsơp di ală yàng ồng pàng khai dê, di yàng mơ ală cau ùr kòñ gơboh, mơ sền òsơp di jơh ală yàng tài bơh khai bơtào is să khai dờng rlau jơh mơ ală yàng hơ̆.

Daniel 11:39

Khai rơp kơnòm di dô nă yàng crih mat dong kòl nàng tòmlơh mơ ală theng kơ̆ cê rlau jơh, mơ khai rơp yò tơngguh jòng màng cau lơi in dòn duh khai. Khai pồ bơtào bol hơ̆ gơs kwang at bồ hơđang oă làng bol, mơ tòmpà ù tiah bol khai in lơh gơs phan ƀàn.

Daniel 11:7

Dô nă tòm hìu nhă kòn ùr bơtau dê rơp bơtào tơngguh nàng tơrbŏ sơbàn khai. Khai lam mpồl ling tus tòmlơh mơ bơtau đah đang mơ geh pha.

I Timôthe 4:1

Yàng Hwềng yal loh làng lah tòm tŭ tơngai lồi dut gơs cau ƀà rơp sang lòi bơta dòn mơ iat ală cà pơrlồm ơniai, mơ iat bơta bơto sồr gùng duh khoai cà dê,

Yal Tơlik 18:12

ală phan hơ̆ la màh, priă, lŭ màng, lŭ kràng màng, bài che dơmài lơbơn, dà gur, bơteh, dà pơrhê, tơl ală bơta chi ƀô, tơl ală phan mơ bla, tơl ală phan mơ chi màng mơ kòng mơ lòs mơ lŭ sàr,