Daniel 11:32 - Sră Goh 2018

³² Khai ngui jơnau rơmhòc nàng ơniai ală cau sang lòi bơta ho bal; mơya làng bol git Yàng Tom Trồ rơp tòmdră mơ khai dô bă pràn kơldang.

Daniel 11:32 Mawu Ofanana

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Nehemi 4:14

Tơnơ̆ mơ tŭ añ neh sền ală bơta rau, añ ñă ntào mơ đơs mơ ală cau màng ryŭ, mơ jơh ală cau kwang, mơ jơh ală cau gam wơl lah: “Bañ rngòt di bol khai, kah tĕ Yàng Jehôwa la Bơtau dờng mơ pal rngòt, mơ tòmlơh tĕ ală oh mi bol mê in, ală kòn klau ală kòn ùr, ală bau ùr mơ ală hìu nhă bol mê in.”

Đơs Crih 9:10

Cau lơi git sơnđan Kơnràñ gen dòn kơnòm di Kơnràñ, Ơ Yàng Jehôwa, bơh Kơnràñ ò sang lòi cau lơi jòi jat Kơnràñ.

Jơnau Pơnđik 19:5

Bơta lơh cơng blac ò klàs bơta lơh glài; mơ cau blac pơrlồm ò rgơi pleh klàs.

Jơnau Pơnđik 26:28

Lơmpiat blac chừt gơjrañ ală cau khai neh jă tơnlề; mơ bơr đơs jơnau rơmhòc bơtào gơs bơta roh gơprah.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Daniel 11:21

Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 11:34

Tòm tŭ bol khai kong behơ̆, bol khai rơp geh dong kòl dô êt: mơ oă cau rơp lơh gơs dô bă bal mơ bol khai dô bă ma blac.

Sacari 10:12

Añ rơp ai bol khai in bơta pràn kơldang tòm Yàng Jehôwa, mơ bol khai rơp lòt tòm sơnđan Kơnràñ dê,” Yàng Jehôwa đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 6:11

Neh ai kòp nă bol khai in dô nơm ào jrùh bò, mơ gơs jơnau đơs mơ bol khai lah pal ơm rlô dô êt jŏ tai, jơl tus di tŭ lơi geh tơl khà ală cau bơyô duh broă bal mơ bol khai mơ ală oh mi bol khai dê, la cau pal kong tơnchơt be bol khai sơl.