Daniel 11:31 - Sră Goh 2018

³¹ Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Daniel 11:31 Mawu Ofanana

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 7:30

Yàng Jehôwa đơs: “Bơh làng bol Juda neh lơh bơta iơh di đap mat Añ, bol khai ơn ală phan cù kìr tòm hìu geh sơnđan bơh sơnđan Añ, nàng lơh gơ in ƀơ̆ ƀơl.

Ñìm Rac 1:10

Cau sò tơm neh pò tê bol khai dê hơđang ală phan kas màng khai dê; tian gơs khai neh gŏ ală làng bol phà tơnroh tiah sàng goh khai dê. La làng bol Kơnràñ neh bơkơ̆u ò geh mut tòm mpồl jơnum Kơnràñ dê.

Ñìm Rac 2:7

Yàng Jehôwa neh sền òsơp cơnòng duh khoai Kơnràñ dê, mơ ò dòp tiah sàng goh Kơnràñ dê; Kơnràñ neh jào tòm tê cau sò tơm ală dơrñang gơlang bơtau khai dê; dô bơta nggồr nggàc tòm hìu Yàng Jehôwa dê kung be tòm ngai pơjum sa.

Ejekiel 9:7

Gen Kơnràñ đơs mơ bol khai lah: “Lơh ƀơ̆ ƀơl tĕ hìu duh khoai, lơh tĕ bềng lìu ƀồc chơt tòm ală rơng hìu! Lơh tĕ!” Behơ̆ bol khai lik lòt mơ rơp sơntòm bơta tơnchơt tòm ƀòn dờng.

Daniel 12:11

Bơh tŭ tơngai pơndut phan ơn chu kòp ngai mơ bơtào gơs bơta ngkòr ngkàc lơh gơlik gơs bơta tơnroh gơprah gen rơp gơs dô rbô bàr rhiang sin jơt ngai.

Daniel 8:24

Khai rơp gơs gơnoar dờng ngan, mơya ò di kơnòm bơh pràn tòm khai dê. Khai rơp tơnggơs bơta tơnroh iơh rmơh ngan, mơ geh bơtoah bơtoài tòm ală broă lơh khai dê. Khai rơp tơnroh ală cau gơs gơnoar pràn mơ làng bol sàng goh.

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Luka 21:20

Tòm tŭ bol mê gŏ Jerusalem gơkòl mpồl ling gơrwàng, gen git tĕ lah bơta tơrlah tơrling gơ mòr tus.

Yal Tơlik 17:12

Mơ jơt nơm ngke mơ mê neh gŏ hơ̆ la jơt nă cau bơtau òhềt dòp geh gơnoar at bồ, mơya bol khai rơp dòp gơnoar bơtau dê bal mơ phan poan jơng tòm dô jơ lơm.