Daniel 11:29 - Sră Goh 2018

²⁹ Tus di tŭ tơngai neh lơh nền, khai rơp lòt tai tòmlơh mơ lơgar đah đơm, mơya dơ̆ tơnơ̆ do ò ndròm bal be dơ̆ lài.

Daniel 11:29 Mawu Ofanana

Esai 14:31

Ơ mpồng ƀòn, ñìm rac tĕ! Ơ ƀòn dờng, nggà driau tĕ! Ơ jơh tơl nă cau Philistin, lề lac tĕ! Bơh ñhŭ tus bơh đah đang, mơ ò gơs dô nă cau lơi sang lòi mpồl ling he dê.”

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 11:23

Tơnơ̆ mơ tŭ khai neh bơtào bơta ho bal gen khai ò lơh jat, kơnòm di bơta blac pơrlồm khai geh gơnoar pràn ngan bulah bơh sơnròp khai mìng la dô mpồl dềt.

Daniel 11:25

Tơnơ̆ hơ̆, khai jơh nùs bơtào tơngguh gơnoar pràn khai dê, lơh nền lam dô mpồl ling dờng tòmlơh mơ bơtau đah đơm. Bơtau đah đơm rơp lòt tòmlơh bal mơ dô mpồl ling dờng mơ pràn kơldang ngan; mơya khai ò geh pha tài bơh gơs cau bơtào kai gơrmơ̆i tòmsò mơ khai.

Daniel 11:28

Bơtau đah đang rơp rê wơl hơ lơgar tòm khai dê bal mơ phan mơna oă ngan; nùs khai kòñ tòmsò mơ bơta ho bal sàng goh. Khai rơp lơh jat nùs kòñ hơ̆ khai dê, mơ rơp rê wơl hơ lơgar khai dê.

Daniel 11:30

Tài bơh ală ơhò bơh Kittim rơp tus tòmsò mơ khai, gen tàng khai kơlôi rngòt mơ rê wơl. Tòm gùng rê wơl, khai rơp gơhào gơjrañ tòmsò mơ bơta ho bal sàng goh. Khai rơp rê wơl mơ yal tơlik bơta nđàc gơwèt hơ ală cau sang lòi bơta ho bal sàng goh.

Daniel 8:19

Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,

Galati 4:2

khai pal ơm tòm gơnoar cau dong kòl mơ cau at bồ hìu, jơl tus di ngai cau bèp neh lơh nền.