Daniel 10:16 - Sră Goh 2018

¹⁶ Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Daniel 10:16 Mawu Ofanana

Lik Ejiptơ 4:10

Môise đơs mơ Yàng Jehôwa lah: “Khoai Yàng Jehôwa, añ òhềt tŭ lơi la cau jak đơs, bơh tòm yau òr, hala bơh di tŭ Yàng tòmbơhbơr mơ cau duh broă Yàng dê. Añ la cau gơs lơmpiat đơs ò loh làng.”

Lik Ejiptơ 4:13

Mơya Môise đơs lah: “Khoai Yàng, dan Yàng sồr cau lơi ndai nàng lơh broă hơ̆.”

Cau Bơto 1:18

Bơh dilah bơta jak chài oă, bơta kơlôi sơnơng moat jrùng kung oă; cau lơi geh bơtơl bơta git jak rơp bơtơl bơta jê sồt.

Esai 6:7

Seraphim tup rnga ồs hơ̆ di bơr añ, mơ đơs lah: “Tŭ do, ồs do neh tup di sơndồi mê, bơta tìs glài mê dê neh geh tă sang rau mơ tồi glài mê dê neh jùt goh rau.”

Jeremi 1:9

Gen, Yàng Jehôwa pò tê ƀư di bơr añ, Yàng Jehôwa đơs tai mơ añ lah: “Do, Añ rơp ơn ală jơnau Añ tòm bơr mê.

Ejekiel 1:26

Mơ đah hơđang dơwàng hơđang bồ bol gơ dê gơs gơlơh kung be dô nơm sơbàn mơ lŭ màng tơlir trồ; mơ hơđang sơbàn gơs gơlơh kung be dô nă kòn mơnus.

Ejekiel 3:27

Mơya tòm tŭ Añ đơs mơ mê, Añ rơp pò bơr mê, mơ mê rơp đơs mơ bol khai: ‘Do la jơnau đơs Jehôwa Yàng Tom Trồ dê: Cau lơi kòñ iat gen lòi khai iat; cau lơi ò bài iat gen lòi khai ò bài; bơh bol khai la dô nơm hìu tòmdră.’”

Ejekiel 33:22

Mơ tai, tòm mho ngai lài mơ tŭ cau dô klàs hơ̆ òhềt tus, gơs tê Yàng Jehôwa dê ơm hơđang añ; mơ Kơnràñ neh pò bơr añ di di tŭ cau dô klàs hơ̆ tus mơ añ tòm àng drim. Behơ̆ bơr añ neh geh pò, mơ añ ò gam kloat tai.

Daniel 12:8

Añ kơno ală jơnau hơ̆ mơya añ ò git wă gen añ lùp lah: “Ơ yàng añ jê, ală bơta do rơp gơlik mbe lơi taih?”

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 7:15

“Añ, Daniel, ơm ò suk mơ gơs hwềng nùs rngòt rngơt bơh ală bơta gơtơnggŏ hơ̆ tòm dơngoh añ.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:15

Tòm tŭ añ, la Daniel, sền bơta gơtơnggŏ hơ̆ mơ kơlôi sơnơng tồ git wă jơnau gơtha gơ dê, gen di đap añ gơs dô nă cau ntào gơs rùp să be dô nă cau klau.

Daniel 8:17

Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”

Daniel 8:18

Tòm tŭ khai đơs mơ añ, añ bic lơhă blup mat tòm ù; mơya khai ƀư di añ, lơh añ in ntào wơl.

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Daniel 9:21

Tòm tŭ añ gam hòi dan; gen Gabriel, cau mơ añ neh gŏ tòm bơta gơtơnggŏ lài, geh sồr par mhar tus hơ añ pơgap di tŭ ơn phan duh khoai trồ mho.

Luka 1:64

Tŭ hơ̆ mo bơr khai gơ pò, lơmpiat ò tai gơkal, gen khai sơntòm đơs mơ jòng ro Yàng Tom Trồ.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Jang 20:28

Thôma ho lah: “Khoai Yàng añ mơ Yàng Tom Trồ añ!”

Jôsue 5:14

Khai ho lah: “Ò bal mơ đah lơi, tŭ do añ tus lơh gơs cau at bồ mpồl ling Yàng Jehôwa dê.” Gen Jôsue tơmbic să blup mat di ù, duh khoai mơ lùp lah: “Ơ Yàng añ jê, ñchi jơnau Yàng sồr cau duh broă Kơnràñ dê taih?”

Yal Tơlik 1:13

mơ digùl ală jơng ồs đèng hơ̆ gơs dô Bơtau gơlơh be Kòn Mơnus, soh ào jrùh tus di mpàng jơng, mơ kơt che màh gùt dar ntơh.

Ală Kwang Cahrña 13:8

Gen Manôa hòi dan mơ Yàng Jehôwa lah: “Ơ Yàng Jehôwa, añ dan Kơnràñ ai cau Yàng Tom Trồ dê mơ Kơnràñ neh sồr lòt tus mơ bol hi, tus wơl mơ bol hi nàng bơto bol hi in git ñchi bol hi pal lơh nàng ròng siam kòn dềt rơp deh hơ̆.”

Ală Kwang Cahrña 6:13

Gideôn đơs lah: “Mơya ơ ồng, dilah Yàng Jehôwa ơm bal mơ bol hi gen ñchi bơh tài ală bơta do neh gơ tus di bol hi taih? Ntềng đah ală bơta crih crài Kơnràñ dê mơ ală ồng pàng bol hi dê neh yal wơl mơ lah: ‘Hơ̆ ò di la Yàng Jehôwa neh cèng bol hi lik bơh lơgar Ejiptơ ò ơ?’ Mơya tŭ do Yàng Jehôwa neh sang lòi bol hi mơ neh jào phi bol hi tòm tê làng bol Midian.”

Ală Kwang Cahrña 6:15

Gideôn lùp lah: “Mơya ơ Kơnràñ, mbe añ rgơi dong tă Israel taih? Mpồl añ la lơbơn òsô rlau jơh tòm jơi bơtiàn Manase, mơ añ la dềt rlau jơh tòm hìu nhă añ jê.”