Daniel 10:12 - Sră Goh 2018

¹² Gen khai đơs pơnjat tai lah: “Ơ Daniel, bañ rngòt, tài bơh di ngai sơnròp mơ mê neh jơh nùs jòi jat nàng git wă, mơ pơndêt să mê di đap Yàng Tom Trồ mê dê, gen ală jơnau mê dê neh geh kơno, mơ añ neh lòt tus nàng ho wơl mê in.

Daniel 10:12 Mawu Ofanana

Đơs Crih 69:10

Tòm tŭ añ ơt sa nàng bơklơn hwềng soàn añ pơndêt să, Gen bol khai bơtat bơtròh di añ bơh lơh behơ̆.

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Daniel 10:11

Cau hơ̆ đơs mơ añ lah: “Ơ Daniel, la cau geh kòñ gơboh ngan, ơn tĕ jơh nùs tồr di ală jơnau añ đơs mơ mê. Mơ ntào tĕ, bơh tŭ do añ neh geh sồr lòt tus hơ mê.” Tòm tŭ khai đơs mơ añ ală jơnau hơ̆ gen añ ñă ntào mơ rơm să ngan.

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 16:31

Hơ̆ la dô ngai poh ơm rlô, mơ bol mê pal ơt sa; hơ̆ la dô bơta sồr lam gam sùm sùm.

Khà Làng Bol 29:7

Tòm ngai jơt kơnhai poh do hòi pơjum tĕ dô bơta pơjum ơn is sàng goh. Bol mê pal pơndang sang să he mơ bañ lơh dô nơm broă òs lơh lơi.

Mathiơ 28:10

Yàng Jesu đơs mơ bol khai lah: “Bañ rngòt, lòt tĕ yal ală oh mi Añ in tus hơ Galile; tềng hơ̆ bol khai rơp tìp Añ.”

Mathiơ 28:5

Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Jơnau Niam Jat Mak 16:6

Cau hơ̆ đơs mơ bol khai lah: “Bañ rngòt, bol ai jòi Yàng Jesu Cau Nasaret, la Bơtau neh kong pơng di chi pơng. Kơnràñ neh kis wơl rau, ò ơm tềng do tai. Sền tĕ tiah neh tơp Kơnràñ.

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:30

Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ.

Luka 2:10

Gen cau gơnrơh đơs mơ bol khai lah: “Bañ rngòt, do, añ yal bol mê in dô nơm jơnau niam hòn chò dờng, gơ rơp dờng màng ală làng bol in;

Luka 24:38

Kơnràñ đơs lah: “Ñchi bơh tài bol mê dơrcul, mơ ñchi bơh tài tòm nùs bol mê pin wil wơl behơ̆ taih?

Broă 27:24

mơ đơs lah: ‘Ơ Pol, bañ rngòt, mê pal lòt tus ntào di đap Sesa, mơ do, Yàng Tom Trồ neh ai mê in jơh ală cau hào ơhò bal mơ mê.’

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,