Daniel 10:1 - Sră Goh 2018

¹ Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 10:1 Mawu Ofanana

Sơnròp Gơlik Gơs 41:32

Dilah kơnràñ gŏ bơta mpau bàr dơ̆ hơ̆ la bơh Yàng Tom Trồ neh lơh nền bơta hơ̆ rau, gen Yàng rơp lơh gơlik gơs mhar mo.

II Yal Yau 36:22

Tòm nam sơnròp Sirus bơtau Persia dê, nàng lơh gơlik gơs di ngan be jơnau Yàng Jehôwa neh đơs bơh bơr Jeremi, Yàng Jehôwa chồl hwềng nùs Sirus bơtau Persia, gen tàng khai neh pơyoa dô jơnau yal tơlik gơnoar sồr làm jơh lơgar in lah:

Ejra 3:7

Gen bol khai ai jền priă ală cau chài bơt lŭ mơ ală cau chài lơh chi, mơ ai ală phan sa phan ñô, mơ mơñà làng bol Sidôn mơ Tirơ in nàng bol khai jat gùng dàlềng mơ cèng nho rề bơh Liban tus hơ Jôppa, jat gơnoar Sirus bơtau Persia neh ai bol khai in.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 4:5

Bol khai loă ală cau kwang nàng lơh gơprah broă bol khai dê, tòm jơh rài at bồ bơtau Sirus bơtau Persia dê jơl tus di rài Darius bơtau Persia dê.

Ejra 6:14

Behơ̆, ală cau kwang kra cau Juda dê kư̆ pơnjat bơt bơtào mơ gơlik cồng nha tòm toh jat be jơnau bơto Age cau gơnoar hwơr mơ Sacari kòn sau Idô dê. Bol khai bơt sir hìu duh khoai jat be gơnoar sồr Yàng Tom Trồ Israel dê, mơ jat be jơnau sồr Sirus, Darius, mơ Artaserses la ală bơtau Persia dê.

Ejra 6:3

Tòm nam sơnròp bơtau Sirus dê, bơtau yal tơlik dô bơta lơh nền gơwèt hơ hìu duh khoai Yàng Tom Trồ dê tòm Jerusalem: Lòi tĕ hìu duh khoai geh bơt bơtào wơl, tềng hơ̆ lơh gơs tiah ơn ală phan ơn duh khoai, mơ ơn phan ơn chu pơrguc, đah jơnhoa rơp la prau jơt tal mơ ơnàng prau jơt tal,

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 1:21

Behơ̆, Daniel kư̆ ơm tềng hơ̆ jơl tus di nam sơnròp rài bơtau Sirus dê.

Daniel 1:7

Cau kwang at bồ gơlang bơtau tơmoh sơnđan ndai bol khai in: Daniel khai sơnđan la Beltesassar, Hanania la Sadrak, Misael la Mesak, mơ Ajaria la Abetnegô.

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 11:2

Tŭ do, añ rơp yal mê in git jơnau song: Pe nă cau bơtau tai rơp guh tòm Persia, mơ bơtau dơ̆ poan la pas sơm rlau jơh. Tòm tŭ khai neh gơlik gơs pràn kơldang kơnòm di phan mơna pas gơs khai dê, gen khai chồl bơtrut jơh ală cau tòmdră mơ lơgar Grek.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Daniel 4:8

Lồi tơnơ̆ gen Daniel geh cèng tus hơ añ. Khai geh sơnđan la Beltesassar jat be sơnđan yàng añ jê, mơ geh hwềng ală yàng sàng goh dê ơm tòm khai. Añ yal bơta mpau khai in mơ đơs lah:

Daniel 5:12

Daniel, mơ bèp bơtau di neh sơnđan la Beltesassar, la cau gơs bơta jak chài, git wă mơ àng loh, khai kung rgơi yal tơlik jơnau gơtha ală bơta mpau, yal loh ală bơta ndơp ndơr, mơ pơnring ală bơta kalke. Dan bơtau sồr hòi Daniel tus nàng khai yal tơlik ală jơnau gơtha do bơtau in.”

Daniel 5:17

Gen Daniel ho wơl mơ cau bơtau lah: “Bơtau prap lòi tĕ ală phan ƀàn hơ̆, mơ pồ bơtào ai gơnoar cau ndai in! Bulah behơ̆, añ rơp sền jơnau cih hơ̆ mơ yal tơlik jơnau gơtha ndơp ndơr gơ dê bơtau in.

Daniel 6:28

Behơ̆ Daniel kư̆ geh bơtoah bơtoài sùm tòm rài at bồ bơtau Darius mơ bơtau Sirus la cau Persia.

Daniel 8:16

Mơ añ kơno jơnau dô nă cau klau bơh di hiòng Ulai hòi mơ đơs lah: “Ơ Gabriel, yal tĕ cau do in git jơnau gơtha bơta gơtơnggŏ hơ̆.”

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Luka 1:20

Do, mê rơp kloat, ò tus đơs, jơl tus di ngai ală bơta hơ̆ rơp gơlik gơs, bơh mê ò dòn jơnau añ, la jơnau rơp gơlik di ngan tòm toh di di tơngai.”

Yal Tơlik 19:9

Cau gơnrơh sồr añ lah: “Cih tĕ jơnau do: Lơngai ală cau in neh geh jà tus pơjum sa tòm bơta tòmbau Belàt Kòn dê.” Khai đơs tai lah: “Hơ̆ la jơnau song ngan Yàng Tom Trồ dê.”