Daniel 1:2 - Sră Goh 2018

² Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Daniel 1:2 Mawu Ofanana

Sơnròp Gơlik Gơs 10:10

Sơnròp lơgar bơtau khai dê gơs Babel, Erek, Akat mơ Kalne tòm lơgar Sinear.

Sơnròp Gơlik Gơs 11:2

Bơh đah mattơngai lik, bol khai lik lòt mơ gŏ dô nơm ƀlàng tòm lơgar Sinear, gen ơm tềng hơ̆.

II Ală Bơtau 24:1

Tòm rài Jehôyakim at bồ, gen Nebukatnessar, bơtau Babilôn, guh tòmpìt lơgar Juda. Gen Jehôyakim gơlik gơs cau duh broă khai tòm pe sơnam, mơya bơtau Jehôyakim pơrlơ̆ nùs mơ tòmdră wơl mơ Nebukatnessar.

II Yal Yau 36:5

Jehôyakim neh bàr jơt pram nam tòm tŭ khai sơntòm at bồ; mơ khai at bồ jơt dùl nam tòm Jerusalem. Khai lơh bơta iơh bơsak di đap mat Jehôwa Yàng Tom Trồ khai dê.

II Yal Yau 36:7

Nebukatnessar kung tă cèng tus hơ Babilôn ală phan ngui tòm hìu duh khoai Yàng Jehôwa dê mơ ơn ală phan ngui hơ̆ tòm gơlang khai dê tòm Babilôn.

Ejra 1:7

Să tòm bơtau Sirus kung cèng tơlik ală phan ngui bơh di hìu duh khoai Yàng Jehôwa dê mơ Nebukatnessar neh tă cèng bơh Jerusalem mơ ơn tòm hìu duh khoai ală yàng khai dê.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 42:24

Ñcau neh jào Jakôp nàng gơkòl cau kup geh, mơ phi Israel nàng cau phà kơñau taih? Hơ̆ ò di la Yàng Jehôwa, la Bơtau mơ bol he neh tìs glài tòmdră mơ Kơnràñ ò ơ? Bơh bol khai ò bài lòt jat ală gùng dà Kơnràñ dê; bol khai ò dòn bơr lơh jat bơta boh lam Kơnràñ dê.

Jeremi 25:1

Gơs jơnau tus mơ Jeremi bơh jơh làng bol Juda, tòm nam dơ̆ poan rài Jehôyakim, kòn klau Jôsia, bơtau Juda dê; hơ̆ la nam dơ̆ sơnròp rài Nebukatnessar, bơtau Babilôn,

Jeremi 27:16

Gen Añ kung đơs mơ ală cau gơnoar ơn phan duh khoai mơ jơh làng bol lah: “Yàng Jehôwa đơs be do: Bañ iat ală jơnau mpồl cau gơnoar hwơr bol mê dê, đơs hwơr mơ bol mê lah: ‘Do, ală phan ngui tòm hìu Yàng Jehôwa dê rơp geh cèng brê wơl bơh lơgar Babilôn!’ Hơ̆ la bol khai đơs hwơr blac mơ oh mi.

Jeremi 28:3

Tòm bàr sơnam wil tơl, jơh ală phan ngui hìu Yàng Jehôwa dê mơ Nebukatnessar, bơtau Babilôn, neh tă tơlik bơh tiah do cèng tus hơ Babilôn, gen Añ rơp cèng rê wơl tòm tiah do.’

Jeremi 35:11

Mơya, tŭ Nebukatnessar bơtau Babilôn tus tòmlơh mơ lơgar do, bol hi đơs bal lah: ‘Guh tĕ hơ Jerusalem, bơh rngòt di mpồl ling cau Kalde mơ mpồl ling Siri dê.’ Gen tàng bol hi tus ơm tòm Jerusalem.”

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Daniel 5:13

Gen Daniel geh cèng tus di đap bơtau. Bơtau lùp lah: “Ngan mê la Daniel, dô nă tòm ală kòn sau cau Juda neh kòl kup gơs dĭ, mơ bơtau bèp añ neh cèng brê bơh lơgar Juda sơl?

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Habakuk 1:16

Gen tàng khai ơn phan ơn duh khoai bơtơng khai in, mơ chu kơlhô bơtơng hwài khai in, tài bơh khai kơnòm di bơtơng khai dê mơ geh kis pas sơm ryŭ ryơm mơ chò hòp sa phan sa bơkah kas màng.

Sacari 5:11

Khai ho mơ añ lah: “Tus tòm tiah Sinar, nàng bơt dô nơm hìu gơ in; mơ tòm tŭ neh rcang sir rau, bol khai rơp ơn bài tòm tiah gơ dê tềng hơ̆.”

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 3:8

Gen tàng, bơta gơjrañ dờng Yàng Jehôwa dê gơhào khuh tòmdră mơ Israel, mơ Kơnàñ neh tac bol khai tòm tê cau bơtau Aram Naharaim la Kusan Risathaim, mơ Israel duh broă bơtau hơ̆ tòm phàm nam.

Ală Kwang Cahrña 4:2

Behơ̆ Yàng Jehôwa tac bol khai tòm tê Jabin bơtau Kanaan at bồ tòm Hajor. Cau kwang at bồ mpồl ling khai dê la Sisera ơm tòm Harôset Hagôim.

I Samuel 5:2

Gen cau Philistin cèng Đài Yàng Jehôwa dê mơ ơn gơtòm hìu bơmồng Dagôn mơ ơn gơ di gah Dagôn.