Daniel 1:19 - Sră Goh 2018

¹⁹ Bơtau tòmbơhbơr mơ bol khai mơ jơh ală cau pơnu hơ̆, ò gơs cau lơi ndròm bal mơ Daniel, Hanania, Misael mơ Ajaria, behơ̆ bol khai geh duh broă di đap cau bơtau.

Daniel 1:19 Mawu Ofanana

Sơnròp Gơlik Gơs 41:46

Jôsep neh tơl pe jơt nam tòm tŭ khai sơntòm duh broă Pharaôn bơtau Ejiptơ. Behơ̆, khai lik bơh Pharaôn mơ lòt còp làm tòm lơgar Ejiptơ.

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Jơnau Pơnđik 22:29

Kòn gŏ gơs cau lơi ngac ngar tòm broă lơh he dê sơl? Cau hơ̆ ngan rơp duh broă ală cau bơtau, mơ ò di duh broă cau làng òs.

Jeremi 15:19

Gen tàng, Yàng Jehôwa đơs be do: “Dilah mê rê wơl, gen Añ rơp cèng mê wơl mơ mê rơp ntào di đap Añ; Dilah mê sac bơta niam mơ sang bơta iơh, Gen mê rơp duh broă be bơr Añ jê. Bol khai rơp rê wơl mơ mê; Mơya mê bañ rê wơl mơ bol khai.

Daniel 1:18

Tus di tŭ bơtau lơh nền nàng cèng bol khai tus, gen cau kwang at bồ tòm gơlang bơtau lam bol khai tus di đap bơtau Nebukatnessar.

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 1:5

Cau bơtau lơh nền pơnah phan sa phan ñô bơtau dê ai bol khai in kòp ngai. Tơnơ̆ mơ pe nam bol khai bơtê, gen rơp geh ntào duh broă tòm gơlang bơtau dê.

Daniel 1:6

Tòm mpồl bol khai gơs Daniel, Hanania, Misael mơ Ajaria.

Daniel 1:7

Cau kwang at bồ gơlang bơtau tơmoh sơnđan ndai bol khai in: Daniel khai sơnđan la Beltesassar, Hanania la Sadrak, Misael la Mesak, mơ Ajaria la Abetnegô.

Daniel 2:13

Behơ̆, jơnau sồr hơ̆ neh tơlik, cau kup jàm jơh ală cau jak chài, mơ kung jòi kup Daniel mơ ală oh mi bơyô khai dê nàng tơnchơt tơn.

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”