Cau Bơto 9:7 - Sră Goh 2018

⁷ Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Cau Bơto 9:7 Mawu Ofanana

Sơnròp Gơlik Gơs 12:19

Mbe lơh mê neh đơs lah: ‘Cau hơ̆ la oh ùr añ’ taih? Tian gơs añ neh kup khai nàng bau. Tŭ do bau mê do, ai tĕ khai mơ lòt.”

I Ală Bơtau 8:66

Ngai dơ̆ phàm, bơtau ai làng bol in rê hìu; làng bol ai lơngai bơtau in, mơ rê wơl hơ sàl bol khai dê, hòn chò hừh nùs bơh ală bơta niam lơnhơn mơ Yàng Jehôwa neh lơh Dabit in, cau dĭ gơna Kơnràñ dê, mơ làng bol Israel Kơnràñ in.

Cau Bơto 10:19

Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Cau Bơto 11:8

Dilah dô nă cau geh kis jŏ sơnam, gen chò hòp tĕ wil tơl tòm ală sơnam hơ̆; mơya kung kah tĕ lah klam jơngo kung gam oă. Mơ ală bơta lơi gơlik tus la roh lơm.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 7:14

Tòm ngai pas gơs lơngai lơngò hòn chò tĕ, mơ tòm ngai rung rài kơlôi sơwì tĕ; bơh Yàng Tom Trồ neh lơh ngai do mơ ngai ne, tồ kòn mơnus in ò rgơi jòi bàn ală bơta lơi rơp gơlik tus tơnơ̆ he.

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Khà Làng Bol 6:20

Gen cau gơnoar ơn phan duh khoai rơp tơyài ală phan hơ̆ di đap Yàng Jehôwa lơh gơs phan ơn tơyài; gơ la sàng goh mơ gơrê bal mơ cau gơnoar ơn phan duh khoai, bal mơ ntơh neh tơyài mơ bơnô neh ơn rau. Tơnơ̆ mơ hơ̆, cau Nasire geh ñô tơrnòm.

Jơnau Niam Jat Mak 7:29

Chòp Yàng Jesu đơs mơ cau ùr lah: “Tài bơh jơnau hơ̆, rê tĕ; cà neh lik bơh di kòn ùr ai dê rau.”

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Jang 4:50

Yàng Jesu đơs lah: “Lòt tĕ, kòn mê rơp kis.” Cau kwang dòn jơnau Yàng Jesu đơs mơ khai gen lòt.

Broă 10:35

mơya tòm jơh ală làng bol, dilah cau lơi duh rngòt di Yàng mơ lơh bơta song ring, gen cau hơ̆ geh Kơnràñ dòp.

Yal Wơl 12:12

Mơ tềng hơ̆ hòn chò tĕ di đap Jehôwa Yàng Tom Trồ bol mê dê, bol mê, ală kòn klau mơ kòn ùr bol mê dê, ală cau klau cau ùr duh broă bol mê dê, mơ ală cau Lebi bơh di ală ƀòn dờng bol mê dê, la ală cau ò geh tòmpà ù tiah hala sre brê lơh gơs phan tòm bol khai dê.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Rutơ 3:7

Tòm tŭ Bôô neh sir sa mơ hùc rau, mơ gơs nùs chò hòp, khai lòt bic di jơng ƀut kòi. Rutơ tus òm mơ pò ồi tơ̆ di jơng Bôô mơ bic tềng hơ̆.