Cau Bơto 9:11 - Sră Goh 2018

¹¹ Añ gŏ tai hơđơm mattơngai gơs cau ntoat pơrlòng ò mhar, hala cau pràn kơldang ò geh pha tòm bơta tòmlơh, cau jak chài ò geh piang lă, cau pas gơs ò dòp geh jak chài, mơ cau chài rgơi ò geh nđàc; bơh tŭ tơngai mơ tŭ lơmpah gơlik tus kòp nă cau in.

Cau Bơto 9:11 Mawu Ofanana

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

II Yal Yau 20:15

Khai đơs lah: “Dan ơm iat, ơ jơh cau Juda mơ ală làng bol ơm tòm Jerusalem, mơ bơtau Jehôsaphat: Yàng Jehôwa đơs be do mơ ală ồng: ‘Bañ rngòt hala gơplơ̆ nùs di mpồl ling gal ngan do, bơh bơta tòmlơh do ò gơrê bal mơ bol mê mơya gơrê mơ Yàng Tom Trồ.

Sră Jop 34:29

Mơya dilah Kơnràñ ơm mŏ mŏ, ñcau rgơi lơh nền glài Kơnràñ taih? Dilah Kơnràñ pồn mat, ñcau rgơi gŏ Kơnràñ taih? Bulah dô nơm làng bol hala dô nă is cau dê,

Đơs Crih 76:5

Ală cau khin cha gơkòl kơñau phan neh tòmpìt geh; Bol khai bic lơhă ngan; jơh ală cau jak tòmlơh ò rgơi pò dô đah tê bol khai dê.

Jơnau Pơnđik 1:5

Lòi ală cau jak chài in kung kơno mơ geh bơtơl bơta git jak, Mơ cau git kơlôi sơwì dòp geh bơta chài rgơi,

Cau Bơto 2:12

Gen añ wơlke nàng sền sơwì bơta jak chài, bơta bơrngơl gơla, mơ bơta sơnrang sơnrồng; bơh cau lơi tus tơnơ̆ cau bơtau rgơi lơh ñchi lơi taih? Mìng lơh bơta neh lơh sir rau.

Cau Bơto 3:14

Añ git lah kòp nơm broă Yàng Tom Trồ neh lơh gơs gen gam gơs sùm sùm; ò gơs bơta lơi rgơi ƀơ̆ ƀơl gơ in, hala kung ò gơs bơta lơi rgơi pơndut bơh gơ; Yàng Tom Trồ lơh bơta hơ̆, nàng lơh jơh kòn mơnus ntào duh rngòt di đap Kơnràñ.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Cau Bơto 7:13

Sền sơwì tĕ broă lơh Yàng Tom Trồ dê; ñcau rgơi lơh song wơl ală phan Yàng neh lơh kwe taih?

Cau Bơto 9:2

Jơh ală bơta gơlik tus rài kis cau in ndròm bal: cau song ring hala cau iơh bơsak, cau lơbơn niam mơ cau iơh, cau goh mơ cau ò goh, cau ơn phan ơn duh khoai hala cau ò ơn, cau niam kung be cau gơs glài, cau srat să kung be cau pleh bơh jơnau srat să.

Cau Bơto 9:3

Do la dô bơta iơh gơlik gơs hơđơm mattơngai, hơ̆ la kòp nă cau lơh nền rài kis is ndròm bal, gen tàng nùs kòn mơnus bềng lìu bơta iơh, bơta sơnrang sơnrồng ơm tòm nùs bol khai tòm tŭ gam kis, mơ tơnơ̆ mơ tŭ bol khai rê mơ cau chơt.

Jeremi 46:6

Cau ngac ngan kung ò rgơi dô, cau pràn ngan kung ò geh klàs. Bơh đah đang, di gah hiòng Ơphrat, Bol khai gơtup mơ gơpừ!

Jeremi 48:14

Mbe bol mê rgơi đơs lah: ‘Bol hi la cau khin cha, la cau pràn kơldang tòm tiah tòmlơh’?

Jeremi 9:23

Yàng Jehôwa đơs be do: “Cau jak bañ jòng să bơh bơta jak chài bol khai dê; Cau pràn bañ jòng să bơh bơta pràn bol khai dê; Cau pas bañ jòng să bơh bơta pas bol khai dê.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Yal Wơl 8:17

Bañ đơs is lah: “Gơnap gơnoar añ jê mơ bơta pràn kơldang ală tê añ jê neh lơh gơs añ in ală phan mơna do.”

Yal Wơl 8:18

Mơya kah tĕ Jehôwa Yàng Tom Trồ bol mê dê, bơh hơ̆ Kơnràñ la Bơtau ai bol mê in bơta chài rgơi nàng lơh gơlik phan mơna, mơ behơ̆ Kơnràñ lơh nền bơta ho bal Kơnràñ dê mơ Kơnràñ neh srat să ho nền mơ ală ồng pàng bol mê dê be neh gơs tòm ngai do.

I Samuel 17:50

Behơ̆ Dabit ngui sơna sơrbì lŭ mơ dô pơnai lŭ mơ geh pha lin rlau mơ Gôliat, tòmpừ khai di tiah mơ tơnchơt khai, mơ ò gơs dô nơm đào tòm tê.

I Samuel 6:9

Mơya kơp sền tĕ, dilah gơ lòt guh hơ đah lơgar tòm gơ dê hơ̆ la đah Bet Semes, gen hơ̆ la Yàng Jehôwa neh đùh bơta rung rài dờng do hơđang bol he. Mơya dilah ò di behơ̆ gen bol he rơp git la ò di tê Kơnràñ neh lơh glài bol he, bơta hơ̆ neh tus is gơ dê lơm.”